وڭتۇستىك وڭىرلەردەن سولتۇستىككە قونىس اۋدارىندارعا قانداي كومەك جاسالادى؟
بۇل تۋرالى ۇكىمەت ۇيىندە وتكەن باسپا ءسوز ءماسليحاتىندا ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى ەرجان جىلقىبايەۆ ءمالىم ەتتى، دەپ حابارلايدى قازاقپارات ءتىلىشىسى.
«باعدارلاما اياسىنداعى قاناتقاقتى جوبا تۇرعىسىندا 3 ميلليارد تەڭگە سولتۇستىك قازاقستان وبلىسىنا ءبولىندى. وسى ورايدا وڭتۇستىك وبلىستاردان قونىس اۋداراتىندار ءۇشىن 428 جالعا بەرىلەتىن تۇرعىن ءۇيدى سالۋ ەسكەرىلگەن»، - دەدى ە. جىلقىبايەۆ.
وسى ورايدا ول جۇمىس كۇشى ارتىق وڭتۇستىك وڭىرلەردەن قونىس اۋداراتىندارعا قانداي كومەك جاسالاتىنىن ايتتى.
«بىرىنشىدەن، قونىس اۋدارۋعا وتباسىنىڭ ءار مۇشەسىنە 88 مىڭ تەڭگە سوماسىندا ءبىرجولعى تولەم قاراستىرىلعان. ەكىنشىدەن، باسپانانى جالداۋ مەن كوممۋنالدىق قىزمەتتەر تولەمدەرىنە 30 ا ە ك نەمەسە ءبىر وتباسىعا جىل بويىندا اي سايىن 77 مىڭ تەڭگە ەسكەرىلگەن»، - دەدى ە. جىلقىبايەۆ.
مۇنىمەن قوسا، باعدارلاماعا بەلسەندى قاتىسىپ جۇرگەن جۇمىس بەرۋشىلەر ءۇشىن سۋبسيديا قاراستىرىلعان.
بۇدان بۇرىن حابارلانعانداي، جۇمىس كۇشى ارتىق وڭتۇستىك وڭىرلەردەن ادامداردى سولتۇستىك وبلىستارعا قونىستاندىرۋعا جۇمىستارىنا توقتالسا، بيىل جوسپار بويىنشا 2253 وتباسىنى نەمەسە 10 مىڭ ادامدى كوشىرۋ ەسكەرىلگەن. بۇگىندە 1050 وتباسى نەمەسە 4 مىڭ ادام قونىس اۋداردى.