پويىز بيلەتتەرىن الىپ-ساتارلارعا اكىمشىلىك جاۋاپكەرشىلىك ەنگىزىلمەك

نۇر-سۇلتان. قازاقپارات – ق ر ي ي د م بيلەتسىز جولاۋشىلاردى الىپ ءجۇرۋ جانە بيلەت ساتۋ ءتارتىبىن بۇزۋ ءىسىنىڭ جاۋاپكەرشىلىگىن قاتاڭداتۋ ءۇشىن زاڭناماعا تۇزەتۋلەر ەنگىزۋدى ۇسىنباق، دەپ حابارلايدى اتالعان ۆەدومستۆونىڭ باسپا ءسوز قىزمەتى.

قازىرگى ۋاقىتتا، بيلەتتەردى زاڭسىز قايتا ساتۋ «اكىمشىلىك قۇقىق بۇزۋشىلىق تۋرالى» كودەكستىڭ 449-بابىنداعى «قوعامدىق ورىنداردا ۇستاۋ» بويىنشا عانا اكىمشىلىك جاۋاپكەرشىلىكتى كوزدەيدى. باسقا جاۋاپكەرشىلىك ازىرشە جوق.

ق ر ي ي د م تۇراقتى نەگىزدە قازاقستاندىق تاسىمالداۋشىلارعا جولاۋشىلار ۆاگوندارى پاركىن جاڭارتۋ ءۇشىن جاعداي جاساۋدا. بۇدان باسقا، تاسىمالداۋشىلار جىل سايىن جازعى كەزەڭدە نەگىزگى باعىتتار بويىنشا قوسىمشا پوەزدار سانىن قوسادى. سونىمەن قاتار، جولاۋشىلار اعىمىنىڭ ۇلعايۋىنا بايلانىستى نەگىزگى باعىتتار بويىنشا بيلەتتەردىڭ جاساندى تاپشىلىعى بايقالادى، بۇل رەتتە ولاردى ساتۋ بويىنشا زاڭسىز دەلدالدار جاندانا تۇسەدى.

بيلەتتەردىڭ زاڭسىز ساتىلۋىنا توسقاۋىل قويۋ ءۇشىن وسى جىلدىڭ ناۋرىز ايىندا ق ر ي ي د م، ق ر سىبايلاس جەمقورلىققا قارسى كۇرەس اگەنتتىگى جانە «ق ت ج» ۇ ك ا ق اراسىندا تەمىرجول تاسىمالداۋى سالاسىندا تۇرمىستىق سىبايلاس جەمقورلىق ماسەلەلەرىن بولدىرماۋ كوزدەلگەن جول كارتاسىنا قول قويىلدى.

وسى قۇجاتقا سايكەس، «ق ت ج «ۇ ك» ا ق بيلەتتەردى ساتۋ جانە جولاۋشىلاردى پوەزعا وتىرعىزۋ كەزىندە زاڭسىز ءىس-قيمىلدار جاساۋدى باقىلاۋ جانە شەكتەۋ ادىستەرىن قاراستىرا وتىرىپ، بيلەت ساتاتىن «Mobius» جۇيەسىن جەتىلدىرۋ قاجەت دەپ تاپتى. الايدا، بيلەتتەردى زاڭسىز ساتۋ فاكتىلەرى جالعاسۋدا.

سونىمەن، 28- شىلدە كۇنى ق ر ي ي د م كولىك كوميتەتى قوعامدىق ۇيىمدارمەن جانە قۇقىق قورعاۋ ورگاندارىمەن بىرلەسىپ وتكىزگەن رەيدتەر كەزىندە، شىمكەنت، الماتى، نۇر-سۇلتان، اتىراۋ جانە تاراز قالالارىنىڭ ۆوكزالدارىندا بيلەتتەردى جوعارى باعامەن ۇسىناتىن، سونداي-اق بيلەتسىز قاجەتتى پويىزعا وتىرعىزۋعا ۋادە بەرگەن «دەلدالداردىڭ» بولعانى انىقتالدى. التى ادام ق ر ا ق ب ت ك- ءنىڭ 449-بابى «قوعامدىق ورىنداردا ۇستاۋ» بويىنشا اكىمشىلىك جاۋاپكەرشىلىككە تارتىلدى.

انىقتالعان فاكتىلەر بويىنشا، مينيسترلىك «ق ت ج» ۇ ك «ا ق» جولاۋشىلار تاسىمالى«ا ق مەن ماگيسترالدىق جەلى ديرەكتسياسىنىڭ لاۋازىمدى تۇلعالارىنا قاتىستى شارالار قابىلداۋ قاجەتتىگىن، سونداي-اق بيلەتتەردى زاڭسىز ساتۋعا قاتىسقان جەكە بيلەت كاسسالارىمەن شارتتى بۇزۋ قاجەتتىگىن اتاپ ءوتتى.

ايتا كەتەيىك، بۇعان دەيىن ق ر پرەزيدەنتى قاسىم-جومارت توقايەۆ ۇكىمەتكە جازدا پويىز بيلەتىنىڭ تاپشىلىعىن جويۋدى تاپسىرعان بولاتىن.

«ۇكىمەتكە جاز مەزگىلىندە پويىز بيلەتتەرىنىڭ تاپشىلىعىن قولدان جاساۋدى توقتاتۋ تۋرالى تاپسىرما بەردىم. بۇل جاعداي ازاماتتارىمىزعا قولايسىزدىق تۋعىزىپ، ەلىمىزدەگى ىشكى تۋريزمنىڭ دامۋىنا كەدەرگى كەلتىرىپ وتىر»، دەپ جازدى مەملەكەت باسشىسى Twitter- دەگى پاراقشاسىندا.