پرەزيدەنتتىڭ قايتىس بولعانى تۋرالى قاۋەسەت تاراتقاندار ۇستالىپ جاتىر
باسىلىمنىڭ اقپاراتىنشا، 25- شىلدەدەن باستاپ مەملەكەتتە پرەزيدەنت بەردىمۋحامەدوۆتىڭ حال-جاعدايى مەن ولىمىنە قاتىستى الىپ-قاشپا سوزدەر تاراتقاندارمەن كۇرەس جۇرگىزىلۋدە.
قۇقىق قورعاۋشىلار قىزمەتىن اتقارۋدا كۇشەيتىلگەن نۇسقاعا اۋىستى.
كەيبىر وڭىرلەردە قۇرىقتاۋلار بولدى. اتاپ ايتقاندا، لەباپسكي ۆەلاياتىندا پوليتسەيلەر «تۇركمەن تەلەكوم» بولىمشەسىنىڭ قىزمەتكەرى، سۋ شارۋاشىلىعى قىزمەتكەرى جانە جەرگىلىكتى ت ك ش قىزمەتكەرىن ۇستادى.
قۇقىق قورعاۋ ورگاندارى اتالعان تۇلعالار مەملەكەت باسشىسىنىڭ ءولىمى تۋرالى قاۋەسەتتەردى تاراتۋعا جانە جاعدايدى تۇراقسىزداندىرۋعا قاتىستى دەگەن ويدا.
جالعان اقپاراتپەن كۇرەسكە شوۋ-بيزنەس وكىلدەرى دە ەتەنە اتسالىسىپ جاتىر.
وسىلايشا، مادەنيەت مينيسترلىگىنىڭ تاپسىرماسى بويىنشا، مەملەكەتتەگى تانىمال ارتىستەر Instagram پاراقشالارىندا تۇرعىنداردى پرەزيدەنتتىڭ ولىمىنە سەنبەۋگە شاقىرعان ۆيدەونى جۇكتەگەن.
ەستەرىڭىزگە سالا كەتسەك، گۋربانۋلى بەردىمۇحامەدوۆتىڭ دۇنيەدەن وزعانى تۋرالى حابار ءبىر اپتا بۇرىن جەلىدە پايدا بولعان ەدى.
دەرەككوزدەر پرەزيدەنتتىڭ ەڭبەك دەمالىسى كەزىندە قايتىس بولعاندىعىن ايتقان.
كەيىنىرەك تۇركىمەندىك باسشىنىڭ ساۋ ەكەنى انىقتالدى.