كابۋلدەگى شابۋىل: ۆيتسە-پرەزيدەنتتىككە كانديدات جارالاندى

نۇر-سۇلتان. قازاقپارات - جەكسەنبى كۇنى اۋعانستان ۆيتسە-پرەزيدەنتى لاۋازىمىنا كانديدات امرۋللا سالەح باسقاراتىن Green Trend ساياسي قوزعالىسىنىڭ كەڭسەسىنە شابۋىل جاسالعان.

سالدارىنان كەم دەگەندە ەكى ادام قازا تاۋىپ، 25 ءى جارالانعان. بۇل تۋرالى Reuters شەنەۋنىكتەرگە سىلتەمە جاساپ حابارلادى.

جارىلىس جەكەمەنشىك ۋنيۆەرسيتەت ماڭىندا بولعان، ارتىنشا سودىرلار وقۋ ورنىنا باسا-كوكتەي كىرىپ، وسى عيماراتقا جاپسارلاس Green Trend كەڭسەسىنە وق جاۋدىرعان.

سالەح جارالانعان. شەنەۋنىكتەردىڭ ءبىرى كۇزەتشىلەر قورشاۋىنداعى وڭ قولىنا قان جۇققان ۆيتسە-پرەزيدەنتتىككە كانديداتتىڭ فوتوسىن كورسەتتى.

بۇدان بۇرىن TOLOnews تەلەارناسى جەرگىلىكتى ۋاقىتپەن 16:40-تا ءتورت ادام شابۋىل جاساعاندىعىن حابارلاعان بولاتىن.

ءى ءى م اتاپ وتۋىنشە، سالەح زارداپ شەكپەگەن جانە وسى اۋداننان باسقا جاققا كەتكەن. ەلدىڭ ءى ءى م رەسمي وكىلى نۋسرات ءراحيميدىڭ ايتۋىنشا، عيماراتتان كەم دەگەندە 40 ادام ەۆاكۋاتسيالانعان.