قازاقستاندىق كادەتتەردىڭ كۇرەستەن الەم چەمپيوناتىنا قاتىساتىن قۇرامى انىقتالدى

الماتى. قازاقپارات - بولگاريا استاناسى سوفيادا بۇگىن كادەتتەر اراسىندا كۇرەستەن الەم چەمپيوناتى باستالادى، دەپ حابارلايدى قازاقپارات ءتىلشىسى.

كەشە باپكەرلەر شتابى ەركىن كۇرەستەن كوماندانىڭ قۇرامىن جاريالادى. داستۇرگە وراي، جاس بالۋاندار سوڭعى دايىندىق جاتتىعۋلارىن ەكى جىل بۇرىن الماتىدا اشىلعان ەركىن كۇرەس اكادەمياسىنىڭ بازاسىندا وتكىزدى.

«الەم چەمپيوناتى، بيىلعى جارىستاردىڭ باستى سايىسى. وعان ءبىزدىڭ كوماندا تاس-ءتۇيىن بولىپ وتىر. دايىندىعىمىزدى پىسىقتاۋ ءۇشىن ەركىن كۇرەس اكادەمياسىنىڭ بازاسىندا بۇكىل جاعداي جاسالعان. ول ءۇشىن قازاقستاننىڭ گرەك-ريم، ەركىن جانە ايەلدەر كۇرەسى فەدەراتسياسىنىڭ باسشىلىعىنا العىس بىلدىرەمىن»، - دەيدى قازاقستان قۇراماسىنىڭ اعا باپكەرى ەركەبۇلان كەشۋبايەۆ.

گرەك-ريم، ەركىن جانە ايەلدەر كۇرەسىنەن سوفيادا وتەتىن كادەتتەر اراسىنداعى الەم چەمپيوناتىنا قازاقستان قۇراماسى مىنا قۇرامىن الىپ باردى:

ەلامان امانگەلدى (45 كەلى)، نۇرداۋلەت بازاربايەۆ نۇرداۋلەت (48 كەلى)، جوحانگير احمادجانوۆ (51 كەلى)، جانىبەك يمانجان (55 كەلى)، اقنيەت تولەگەنوۆ (60 كەلى)، ولجاس ولجاقانوۆ (65 كەلى)، نۇرداۋلەت قۋانىشباي (71 كەلى)، بەكزات امانعالي (80 كەلى)، بەكزات ءتاجي (92 كەلى)، يسلام تاگيروۆ (110 كەلى).