تارازداعى ۇشەم: ءۇش ۇل مەن اناسى پەرزەنتحانادان شىقتى كەلدى

تاراز. قازاقپارات - تاراز قالاسىنداعى وبلىستىق پەريناتالدىق ورتالىقتان ۇيىنە شىققان ۇشەمنىڭ اتا- اناسىن تۋىستارى مەن شەنەۋنىكتەر مەن جۋرناليستەر قۇتتىقتادى، دەپ حابارلايدى قازاقپارات.

19 -شىلدەدە جامبىل اۋدانىنا قاراستى بەكتوبە اۋىلىنىڭ 34 جاسار تۇرعىنى ەلۆيرا قوجاگەلدييەۆا سالماعى 2594, 2125 جانە 1858 گرامم ءۇش ۇلدى دۇنيەگە اكەلدى. انالارى ۇشەمدى 34 اپتالىق مەرزىمدە كەسار تىلىگى ارقىلى بوساندى. ەلۆيرا مەن كۇيەۋى سابيلەرگە يسلام، مارعۇلان جانە اسلان دەپ ات قويدى. «پەرزەنتحانادان شىعاتىن كۇنگە دەيىن جاس بوسانعان انا مەن سابيلەر جامبىل وبلىستىق پەريناتالدىق ورتالىقتىڭ دارىگەرلەرىنىڭ باقىلاۋىندا بولدى»، دەپ حابارلادى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.

«مەن تارازداعى №20 -ورتا مەكتەپتە قازاق ءتىلى ءپانىنىڭ مۇعالىمى بولىپ جۇمىس ىستەيمىن. جولداسىم باقىتجان جيدەباي «بينوم» ج ش س-دا كرانشى بولىپ قىزمەت ەتەدى. بۇل مەنىڭ ءتورتىنشى رەت بالا كوتەرۋىم، ەكى قىزىم مەن ءبىر ۇلىم ءوسىپ كەلەدى. ال ەندى اللا تاعى دا ءۇش ۇل سىيلادى»، - دەيدى جاس بوسانعان انا.

بۇل كۇنى باقىتتى انانى قۇتتىقتاۋ ءۇشىن كوپتەگەن تۋعان تۋىستارى، اياعى اۋىر كەزىندە باقىلاۋىندا بولعان «Almaz medical group» ج ش س جامبىلداعى فيليالىنىڭ قىزمەتكەرلەرى كەلىپ، وتباسىعا ءۇش بالا ارباسى مەن كيىمدەر سىيلادى. جامبىل اۋدانى اكىمىنىڭ ورىنباسارى ۇمىتكەن نايمانوۆا وتكەن جىلى جامبىل اۋدانىنا قاراستى جاسوركەن اۋىلىندا دا ءدال وسىلاي ۇشەم دۇنيەگە كەلگەنىن ايتىپ بەردى

وبلىستىق پەريناتالدىق ورتالىقتىڭ باس دارىگەرى ايگۇل ايتپايەۆانىڭ ايتۋىنشا، جىل باسىنان بەرى ورتالىقتا 3296 بالا دۇنيەگە كەلگەن، ولاردىڭ 86 - ەگىز. بۇل - بيىلعى جىلى تۋعان العاشقى ۇشەم، وتكەن جىلدىڭ ۇقساس مەرزىمىندە ەكى ۇشەم دۇنيەگە كەلگەن.

اۆتورى گالينا سكريپنيك