تۇركيادا ءاربىر ءتورت جاستىڭ بىرەۋى جۇمىسسىز ءجۇر
بۇل - ەلدىڭ ستاتيستيكالىق ينستيتۋتىنىڭ مالىمەتى. 2019 -جىلى ەلدە جالپى جۇمىسسىزداردىڭ سانى 1 ميلليون ارتىپ، 4 ميلليون 202 مىڭدى قۇراعان. كورسەتكىش وتكەن جىلمەن سالىستىرعاندا % 3,4 كوپ. سونداي- اق 15-24 جاس ارالىعىنداعى جۇمىسسىزداردىڭ سانى % 6,3 ارتتى.
بۇل - ەلدەگى ءاربىر ءتورت جاستىڭ بىرەۋى دەگەن ءسوز. بۇعان ەلدەگى ەكونوميكالىق جاعداي سەبەپ. 2018 -جىلى تۇرىك ليراسىنىڭ قۇنسىزدانۋى ەلدەگى ءبىرقاتار كاسىپورىننىڭ جۇمىسىن توقتاتۋىنا، ياعني قىسقارۋىنا الىپ كەلدى. وسىنىڭ سالدارىنان جاپپاي جۇمىستان بوساتۋ ۇدەرىستەرى كەڭ ەتەك الدى.
مەحمەت كوچەر، جۇمىسسىز:
- گازي ۋنيۆەرسيتەتىندە ەكونوميكا ماماندىعىن 2015 -جىلى ءتامامدادىم. ەكى جىل بويى مەملەكەتتىك جانە جەكەمەنشىك جۇمىس ورىندارىنا ءوتىنىش ءبىلدىردىم. الايدا ناتيجە بولعان جوق. ۇكىمەتىمىز بۇل ماسەلەنى شەشۋ ءۇشىن ارنايى باعدارلامالاردى ىسكە قوسسا دەگەن ۇمىتتەمىن. ايتپەسە جاس مامانداردىڭ جۇمىسقا ورنالاسۋى وڭايعا سوقپايدى.
سەليم تاشدەمير، جۇمىسسىز:
- كوپ جىلداردان بەرى جۇمىسسىزبىن. تۇركيادا سوڭعى ۋاقىتتا بوس جۇمىس ورىندارى جاريالانبايدى، ياعني تامىر- تانىستارىن ورنالاستىرادى. وسى سەبەپتى ءبىز سەكىلدى ديپلومى بار ازاماتتار جۇمىسقا ورنالاسا المايدى.
سونداي- اق ەلدەگى جۇمىسسىزدىقتىڭ ارتۋى تۇلەكتەر اراسىندا باسەكەنى ارتتىرادى.
www.24.kz