ۇكىمەت باسشىسى جاس كاسىپكەرلەرگە ارناپ بيزنەس-ترەنينگ وتكىزدى
ق ر پرەمەر-ءمينيسترى اسقار مامين الەۋمەتتىك جوبالاردى ىسكە اسىرۋ اياسىندا نۇر-سۇلتان قالاسىنداعى «اتامەكەن» قولداۋ ورتالىعى» موبيلدى جۇمىسپەن قامتۋ ورتالىعىنا، جۇمىسشى ماماندىقتارىنا وقىتۋ جونىندەگى وقۋ ورتالىعىنا جانە «جاس كاسىپكەر» جاڭادان باستاۋشى كاسىپكەرلەرگە ارنالعان وقۋ ورتالىعىنا باردى.
«اتامەكەن» ءموبيلدى جۇمىسپەن قامتۋ ورتالىعىنىڭ قىزمەتى جاستاردى كاسىپكەرلىك نەگىزدەرىنە وقىتۋعا جانە ودان كەيىن جۇمىسپەن قامتۋعا باعىتتالعان. موبيلدى ورتالىقتار نۇر-سۇلتان، الماتى جانە شىمكەنت قالالارىندا اشىلعان، بۇگىندە 9 ورتالىق جۇمىس ىستەيدى، قازاقستاننىڭ بارلىق وڭىرلەرىندە تاعى 30 ورتالىق اشۋ كوزدەلگەن.
ق ر پرەمەر- ءمينيسترى نۇر-سۇلتان قالاسىنداعى «اتامەكەن» قولداۋ ورتالىعى» جۇمىسپەن قامتۋ ورتالىعىندا جەكە ءىسىن اشۋعا نيەت ەتىپ جۇرگەن جاس ماماندارمەن كەزدەسىپ، اڭگىمەلەستى.
ۇكىمەت باسشىسى ق ر تۇڭعىش پرەزيدەنتى - ەلباسى ن. نازاربايەۆتىڭ الەۋمەتتىك ساياساتى اياسىندا جانە ق ر پرەزيدەنتى ق. توقايەۆتىڭ تاپسىرماسى بويىنشا ۇكىمەت حالىقتىڭ ءال- اۋقاتىن ارتتىرۋعا باعىتتالعان شۇعىل شارالار پاكەتىن ازىرلەگەنىن اتاپ ءوتتى. وسى جىلدىڭ سوڭىنا دەيىن 300 مىڭنان استام جاس ازامات جۇمىسپەن قامتۋعا كومەكتەسۋ شارالارىمەن قامتىلادى. سونىڭ ىشىندە «باستاۋ بيزنەس»، «جاس كاسىپكەر» باعدارلامالارى اياسىندا قىسقا مەرزىمدى كاسىپتىك وقىتۋ، ستارتاپ جوبالارعا گرانتتار مەن شاعىن نەسيەلەر بەرۋ ارقىلى قولداۋ كورسەتىلەدى.
سونداي-اق، ق ر پرەمەر-ءمينيسترى تىگىن ىسىنە وقىتاتىن «DANMARD» وقۋ ورتالىعىنا باردى. اتالعان وقۋ ورتالىعىندا وقۋ كەزەڭى – 3 اي، اي سايىنعى شاكىرتاقى - 21 مىڭ تەڭگە.
ق ر پرەمەر-ءمينيسترى كاسىپكەرلىك نەگىزدەرىنە وقىتاتىن «جاس كاسىپكەر» وقۋ ورتالىعىندا جوبا قاتىسۋشىلارى ءۇشىن بيزنەس-ترەنينگ وتكىزدى.
وقۋ اياقتالعاننان كەيىن جۇمىسسىز جانە ءوزىن-ءوزى جۇمىسپەن قامتىعان جاستار 500 مىڭ تەڭگەدەن استام وتەۋسىز گرانتقا ۇمىتكەر بولا الادى، سونداي-اق، ايىنا 19 مىڭ تەڭگە كولەمىندە شاكىرتاقى الا الادى.
بۇگىندە قازاقستان كاسىپورىندارىنىڭ نەگىزىندە 563 وقۋ ورتالىعى جۇمىس ىستەيدى (ەلوردادا 50 وقۋ ورتالىعى)، بولاشاقتا ولاردىڭ سانىن 1000 عا دەيىن ۇلعايتۋ كوزدەلگەن.