اسقار جۇماعاليەۆ ينتەرنەتكە قولجەتىمدىكتىڭ ناشارلاۋىنا تۇسىنىك بەردى
«بايلانىس ساپاسىنا توقتالساق، قاۋىپسىزدىك سەرتيفيكاتىنا بايلانىستى جابدىقتاردى رەتكە كەلتىرۋ بويىنشا جۇمىستار باستالىسىمەن، جەلىگە قولجەتىمدىك بويىنشا قانداي دا ءبىر پروبلەمالار بولۋى مۇمكىن دەگەن ءتيىستى اقپارات جاريالاندى. الايدا بۇل ماسەلە ۋاقىتشا سيپاتقا يە. قازىرگى كەزدە بۇل سەرتيفيكاتتى ورناتتىم جانە مەندە بايلانىسپەن پروبلەما جوق»، - دەدى ا. جۇماعاليەۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
وسى ورايدا مينيستر قانداي دا ءبىر ساۋالدار تۋىنداسا، وندا مەملەكەتتىك تەحنيكالىق قىزمەتكە حابارلاسۋ كەرەكتىگىن ءتۇسىندىردى.
«ءتيىستى ساۋالدار بولسا، اتالعان قىزمەتكە حابارلاسۋ كەرەك، سايكەسىنشە بارلىق ماسەلەلەر شەشىمىن تابادى دەگەن ويدامىن. ءتيىستى پروبلەمالار بولسا، مەملەكەتتىك تەحنيكالىق قىزمەت قاجەتتى كومەكتەرىن جاسايدى، سونداي-اق بايلانىس وپەراتورلارى دا وزدەرىنىڭ كومەكتەرىن ىسكە اسىرادى»، - دەدى اسقار جۇماعاليەۆ.