اتىراۋدا قىزدىڭ بەتىنەن جۇدىرىقپەن ۇرعان ەر ادام ۇستالدى

اتىراۋ. قازاقپارات - اتىراۋدا ايەل ادامدى بەتىنەن جۇدىرىقپەن ۇرعان ەر ادام ۇستالدى، دەپ حابارلايدى «قازاقپارات» ح ا ا اگەنتتىگى.

اتىراۋدا باقىلاۋ كامەرالارىنان الەۋمەتتىك جەلىدە جاريالانعان ۆيدەو جەلى قولدانۋشىلارىنىڭ نارازىلىعىن تۋدىردى. جازبا وبلىس ورتالىعىنداعى ەڭ ءىرى «دينا» بازارىنىڭ كوكونىس ساتاتىن پاۆيلونىندا تۇسىرىلگەن. كادردا ەكى قىزدىڭ جانىنان ءوتىپ بارا جاتقان ەر ادامنىڭ ولاردىڭ ءبىرىنىڭ بەتىنەن ۇرعاندىعىن انىق كورىنەدى.

وڭىرلىك پوليتسيا دەپارتامەنتىنىڭ باسپا ءسوز قىزمەتى ءمالىم ەتكەنىندەي، ۆيدەو نەگىزىندە تەكسەرىس تاعايىندالعان. قىزدى سوققىعا جىققان ەر ادامنىڭ اتى-ءجونى انىقتالىپ، قولعا تۇسكەن. سوتقا دەيىنگى تەرگەۋ امالدارى جۇرگىزىلىپ جاتىر.