ەۋروپاداعى اپتاپ ىستىق اتوم ستانسالارىنا قاۋىپ ءتوندىردى

نۇر-سۇلتان. قازاقپارات - ەۋروپا ەلدەرىندە ورناعان اپتاپ ىستىق ورمان ورتتەرىنە جانە وزەن دەڭگەيىنىڭ تۇسۋىنە الىپ كەلىپ قانا قويماي، ءبىرقاتار اتوم ستانسالارىنىڭ رەاكتورلارىنىڭ توقتاۋىنا سەبەپشى بولدى، دەپ حابارلايدى «قازاقپارات» ح ا ا Bloomberg-كە سىلتەمە جاساپ.

وسىلايشا، اۋا رايىنىڭ سالدارىنان مەملەكەتتىڭ ەلەكتر قۋاتىنىڭ 3/4 بولىگىن قامتيتىن جانە ا ە س- تىڭ 59 ەلەكتر بلوگىن باسقاراتىن فرانسيالىق Electricite de France كومپانياسىنا ءوندىرىسىن ازايتۋعا تۋرا كەلدى. ەكى رەاكتوردىڭ جۇمىسى توقتاتىلدى، ال جاقىن ۋاقىتتا تاعى ەكەۋىنىڭ قۋاتىن جارتىلاي ازايتۋ جوسپارلانعان، سەبەبى وزەن سۋلارىنىڭ قىزعانى سونشالىق، ستانسانى سۋىتۋعا جارامايدى.

بۇل جاعداي جارىق باعاسىنىڭ كۇرت كوتەرىلۋىنە الىپ كەلدى. ءوز كەزەگىندە Electricite de France قىزمەتكەرلەرى اتوم ستانسالارىن بۇدان دا ىستىق اۋا رايى كەزىندە جۇمىس ىستەۋگە دايىندايتىندارىن ءمالىم ەتتى.