پرەزيدەنت ەلوردا سوتىنا جاڭا سۋديالاردى تاعايىندادى

نۇر-سۇلتان. قازاقپارات - بۇگىن نۇر-سۇلتان قالالىق سوتىنىڭ ازاماتتىق ىستەر جونىندەگى سوت القاسىنىڭ ءتوراعاسى قۋانىشباي الجىكوۆ ەلوردانىڭ قالالىق، اۋداندىق جانە وعان تەڭەستىرىلگەن سوتتارىنىڭ جاڭادان تاعايىندالعان سۋديالارىن تانىستىردى.

بۇل تۋرالى قازاقپارات قالالىق سوتتىڭ رەسمي سايتىنا سىلتەمە جاساپ حابارلايدى.

اتاپ ايتقاندا، ق ر پرەزيدەنتىنىڭ 2019-جىلعى 17- شىلدەدەگى جارلىعىمەن اقمارال كوشەربايەۆا نۇر-سۇلتان قالالىق سوتىنا، ءمولدىر اسەمبايەۆا الماتى اۋداندىق سوتىنا، ارمان تولەۋبايەۆ ەسىل اۋداندىق سوتىنا، يبراگيم الكەنوۆ 2№ سارىارقا اۋداندىق سوتىنا، الۋا بايبولاتوۆا مەن مەيرامبەك يبراشيەۆ مامانداندىرىلعان اۋدانارالىق اكىمشىلىك سوتىنا، ۆيكتوريا سەمەنوۆا قىلمىستىق ىستەر جونىندەگى مامانداندىرىلعان اۋدانارالىق سوتىنا سۋديا بولىپ تاعايىندالدى.

«سوت القاسىنىڭ ءتوراعاسى ق. الجىكوۆ قىزمەتتەرىنە كىرىسكەن 7 سۋديانىڭ ەڭبەگىنە جەمىس تىلەدى»، - دەلىنگەن اقپاراتتا.