انتيكالىق مۇسىندەردىڭ ءتۇسى نەگە اق؟
ءبىراق وسى كۇنگى زەرتتەۋلەر ول مۇسىندەر ءداستۇرلى تۇردە باسقا تۇسكە بويالعانىن انىقتاپ وتىر. ارحەولوگتار ۋلريكا كوح- برينكمان مەن ۆينچەنتسو برينكمان كەزىندە ولار ءتۇرلى-ءتۇستى بولعان دەپ جورامالداپ وتىر. عالىمدار رەنتگەن، ينفراقىزىل جانە ينفراكۇلگىن ساۋلەلەر ارقىلى مۇسىندەردىڭ اشىق تۇستەرگە سىرلانىپ، بەت-جۇزدەرى اسقان ىجداھاتتىلىقپەن بويالعانىن، ال كيىمدەرى - ويۋ-ورنەكتەرمەن اشەكەيلەنىپ سىرلانعانىن انىقتاعان.
قازىر ءار ءتۇرلى تۇسكە سىرلانعان مۇسىندەر بىزگە وعاش جانە ايبارسىز بولىپ كورىنەدى، ءبىراق كونە زاماندا ءتۇس اۋقاتتىلىقتىڭ جانە ءسان-سالتاناتى كەلىسكەن بايلىقتىڭ سيمۆولى بولدى: مەملەكەت نەعۇرلىم باي-قۋاتتى بولسا، ولاردىڭ مۇسىندەرى مەن عيماراتتارى سوعۇرلىم جارقىراعان بوياقتارمەن سىرلاناتىن.
مۇسىندەردىڭ قازىرگى زامانداعى ءتۇر-تۇلعاسىنا بىرنەشە فاكتور ىقپال ەتتى. بىرىنشىدەن، اۋا-رايىنىڭ اسەرىنەن اسا ءتوزىمدى ەمەس تابيعي سىر جۋىلىپ ءوشىپ كەتتى. ەكىنشىدەن، كلاسسيتسيزم داۋىرىندە مۇسىندەردىڭ ناق ءتۇسىن ايقىنداپ بەرەتىن تەحنولوگيالار بولمادى، سوندىقتان انتيكالىق ءداۋىردىڭ ءىزباسارى ءارى ەلىكتەۋشىسى بولعان كلاسسيتسيزم ءداۋىرىنىڭ ساۋلەتشىلەرى مەن مۇسىنشىلەرى ءوز ونەر تۋىندىلارىن ءارتۇرلى تۇستەرگە سىرلامادى.