ەۋروپا ليگاسى: قازاقستاندىق كلۋبتاردىڭ ءۇشىنشى ىرىكتەۋ كەزەڭىندەگى قارسىلاستارى انىقتالدى
بۇگىن شۆەيتساريانىڭ نون قالاسىنداعى UEFA شتاب-پاتەرىندە ەۋروپا ليگاسى ءۇشىنشى ىرىكتەۋ كەزەڭىنىڭ جەرەبەسى تارتىلدى.
«استانا» ءۇشىنشى ىرىكتەۋ كەزەڭىنە شىققان جاعدايدا «فەرەنتسۆاروش» (ۆەنگريا) جانە «ۆاللەتتا» (مالتا) جۇبىنىڭ جەڭىلگەن كومانداسىمەن شەبەرلىك بايقاسادى. قازىر ەلوردالىق كلۋب ەكىنشى ىرىكتەۋ كەزەڭىندە 23- شىلدە جانە 1- تامىز كۇندەرى اندوررانىڭ «سانتا-كولوما» كومانداسىمەن كەزدەسەدى. ءۇشىنشى ىرىكتەۋ كەزەڭى 8- جانە 15- تامىز كۇندەرى وتكىزىلەدى.
سونداي-اق، ەلىمىزدىڭ اتىنان ەۋروپا ليگاسى ەكىنشى ىرىكتەۋ كەزەڭىندە 24- شىلدە مەن 1- تامىزدا الماتىنىڭ «قايراتى» يزرايلدىڭ «حاپوەل» (بەزر-شيەۆا)، شىمكەنتتىڭ «ورداباسى» كلۋبى چەحيانىڭ «ملادا-بولەسلاۆ» كومانداسىمەن كەزدەسەدى.
ءۇشىنشى ىرىكتەۋ كەزەڭىنە شىققان جاعدايدا «قايرات» شۆەتسيانىڭ «نوررچەپينگ»، «ورداباسى» ارمەنيانىڭ «الاشكەرت» جانە رۋمىنيانىڭ «ستياۋا» جۇبىنىڭ جەڭىمپازىمەن كەزدەسەدى.