قاراعاندىدا «باقىتتى وتباسى» باعدارلاماسىنا قاتىسۋشىلاردى ىرىكتەۋ باستالادى
اتالمىش تۇرعىن ءۇي باعدارلاماسىنا 4 جانە ودان دا كوپ بالالارى بار كوپ بالالى وتباسىلار، كامەلەتكە تولماعان بالالارى بار تولىق ەمەس وتباسىلار، مۇمكىندىگى شەكتەۋلى بالالاردى تاربيەلەپ وتىرعان وتباسىلار قاتىسا الادى.
باعدارلامانىڭ شارتتارى بويىنشا ءوتىنىش بەرۋشىلەر جەرگىلىكتى اتقارۋشى ورگانداردا تۇرعىن ءۇي الۋعا كەزەكتە تۇرۋى ءتيىس.
«باقىتتى وتباسى» باعدارلاماسى بويىنشا پاتەر الۋ ءۇشىن كەلەسى شارتتار ورىندالۋى ءتيىس:
- باستاپقى جارنا بولۋى كەرەك. ياعني تۇرعىن ءۇي قۇنىنىڭ %10.
- تولەم قابىلەتتىلىگىن راستاۋ.
- وتباسىنىڭ ءبىر مۇشەسىنە تابىس سوماسى 42500 تەڭگەدەن اسپاۋى ءتيىس.
نەسيەنىڭ ەڭ جوعارى سوماسى - 10 ميلليون تەڭگە، 20 جىلعا دەيىن، جىلدىق مولشەرلەمە %2.
جولداما بەرۋ ءۇشىن قۇجاتتاردى قابىلداۋ 22- شىلدە مەن 26- شىلدە ارالىعىندا قاراعاندى قالاسى، ماگنيتوگورسكايا كوشەسى، 19 مەكەنجايى بويىنشا جاڭا مايقۇدىق م ءۇ عيماراتىندا ساعات 9.00-دەن 18.00 گە دەيىن جۇزەگە اسىرىلادى.