21:38, 18 - شىلدە 2019 | GMT +6
قىتايدا سالىنىپ جاتقان كوپىرگە كران قۇلاپ، بەس ادام قازا تاپتى
نۇر- سۇلتان. قازاقپارات - قىتايدىڭ سولتۇستىك- باتىس پروۆينتسياسى شەنسيدە سالىنىپ جاتقان كوپىردە كونسولدىك- شليۋزدىك كراننىڭ قۇلاۋى سالدارىنان بەس ادام قازا تاۋىپ، جەتى ادام زارداپ شەكتى، دەپ حابارلايدى قازاقپارات ميان ۇيەزى بيلىگىنىڭ حابارلاماسىنا سىلتەمە جاساپ.
ءۇش ادام وقيعا ورنىندا جان تاپسىرعان. اۋرۋحاناعا جەتكىزىلگەن توعىز ادامنىڭ ەكەۋى العان جاراقاتتاردىڭ سالدارىنان كوز جۇمدى. تەرگەۋ جۇرگىزىلۋدە.
وقيعا بەيسەنبى كۇنى جەرگىلىكتى ۋاقىت بويىنشا 14.25 تە ورىن العان. ازىرگە بەلگىسىز سەبەپتەرمەن كوپىردىڭ ۇستىندە جۇرگىزىلىپ جاتقان جۇمىستار كەزىندە اياق استىنان كران قۇلاپ تۇسكەن. جۇمىستار حانچجۋن قالالىق وكرۋگىنىڭ جىلدامدىقپەن جۇرەتىن اۆتوماگيسترالىن كەڭەيتۋ جانە قايتا قۇرۋ جونىندەگى جوبا اياسىندا جۇرگىزىلىپ جاتقان ەدى.