تۇرىك كومپانياسى اقتوبەدە يندۋستريالدى ايماق اشۋعا نيەت ءبىلدىردى
وبلىس اكىمى وڭداسىن ورازالين «Gebze» ۇيىمداسقان وندىرىستىك ايماعىنىڭ باسقارما
ءتوراعاسى ۆاحيت يىلدىرىمدى قابىلدادى.
«ءبىزدىڭ ايماعىمىز ءۇشىن تۇرىك كومپانياسىمەن بىرلەسكەن يندۋستريالىق ايماق قۇرۋدىڭ پايداسى وتە زور. وزدەرىڭىز دە جاقسى بىلەسىزدەر، شەتەلدىك ينۆەستورلار ءۇشىن اقتوبە وبلىسىنىڭ الەۋمەتتىك- ەكونوميكالىق دامۋى وتە ىڭعايلى، مۇمكىندىگى زور. بۇل ءوز كەزەگىندە ايماقتىڭ دامۋىنا مۇددەلى الەۋەتتى ينۆەستورلاردى تارتۋعا مۇمكىندىك بەرەدى. كەلەشەكتە «GOSB» كومپانياسىمەن ءوزارا ىنتىماقتاستىق جونىندەگى مەموراندۋم يگى باستامالارعا جول اشادى دەپ سەنەمىن. ءبىز ءوز تاراپىمىزدان اتالعان جوبالاردى قولداۋعا جانە ورنالاساتىن ورىندارىمەن قامتاماسىز ەتۋگە تولىق كەپىلدىك بەرەمىز»، - دەدى ءوڭىر باسشىسى وڭداسىن ورازالين.
وبلىس اكىمى باسپا ءسوز قىزمەتىنىڭ حابارلاۋىنشا، » اقتوبە «ا ك ك- ى مەن تۇركيانىڭ
«Gebze» ۇيىمداسقان وندىرىستىك ايماعى (GOSB) اراسىندا ءوزارا ىنتىماقتاستىق جونىندەگى مەموراندۋمعا قول قويىلدى.
Gebze - تۇركياداعى ەڭ ۇلگەن يندۋستريالىق ايماق. وندا الەمدىك كومپانيالاردىڭ %40 شوعىرلانعان. ەكسپورتتىڭ جىلدىق اينالىمى - 29 ميلليارد دوللاردى قۇرايدى. Gebze ۇيىمداسقان وندىرىستىك ايماعى (GOSB) ىستامبۇل مەن قوجاەلى قالالارىنىڭ شەكاراسىنداعى گەبزە پروۆينتسياسىندا ورنالاسقان.
كەزدەسۋ سوڭىندا ايماق باسشىسى تۇرىك كومپانياسىنا ءوز العىسىن ءبىلدىرىپ، اتالعان
جوبالارعا جان-جاقتى قولداۋ كورسەتۋ ءۇشىن «اقتوبە» ا ك ك مەن جاۋاپتى سالا باسشىلارىنا ناقتى تاپسىرمالار بەردى.