مەملەكەت باسشىسى دۇنيەجۇزىلىك بانكتىڭ ۆيتسە- پرەزيدەنتىمەن كەزدەستى
كەزدەسۋ بارىسىندا دۇنيەجۇزىلىك بانكتىڭ قازاقستانداعى الداعى جىلدارعا ارنالعان جوسپارلارى تالقىلاندى.
سيريل ميۋللەر قاسىم- جومارت توقايەۆقا ءارتۇرلى سەكتورداعى ىنتىماقتاستىقتىڭ قورىتىندىلارى، سونىڭ ىشىندە، اۋىل شارۋاشىلىعى، جاڭا تەحنولوگيا جانە جاساندى ينتەللەكت سالالارىنداعى بىرلەسكەن جوبالاردىڭ جۇزەگە اسىرىلۋى جونىندە مالىمەت بەردى.
سونىمەن قاتار، مەملەكەتتىك باسقارۋدىڭ تيىمدىلىگىن ارتتىرۋ جانە حالىققا كورسەتىلەتىن مەملەكەتتىك قىزمەت سالالارىنداعى ءوزارا ىقپالداستىق ماسەلەلەرى قاراستىرىلدى.
دۇنيەجۇزىلىك بانك تىكەلەي شەتەلدىك ينۆەستيتسيالار تارتۋ بويىنشا قازاقستاندى ورتالىق ازياداعى كوشباسشى رەتىندە مويىندايدى جانە وسى باعىتتا ەلىمىزگە ودان ءارى جان- جاقتى قولداۋ كورسەتۋگە، سونداي- اق، وڭىرلىك كووپەراتسيانىڭ دامۋىنا سەپتىگىن تيگىزۋگە نيەتتى.