باياناۋىل ۇلتتىق پاركىندە ورمان ورتەنىپ جاتىر
باياناۋىل مەملەكەتتىك ۇلتتىق تابيعي پاركىندەگى ءورت 14 - شىلدەدە باستالدى. «№ 83 ۋچاسكەدە ساعات 19:25-تە اۋىزدىقتالدى، ياعني 2,5 گ ا وت ءسوندىرىلدى، ءبىراق ءتۇتىن قالدى. سول جەردە كورشى № 73 ۋچاسكەدە توعىز گەكتاردا 22:12-دە قىزىل جالىن اۋىزدىقتالدى. كەشە تۇستەن كەيىن № 73 ۋچاسكەدە ءورت شىقتى. بۇل تاۋلى ورماندى جەرلەر، - دەپ حابارلادى باياناۋىل اۋدانى اكىمى اپپاراتىنىڭ ت ج باس ينسپەكتورى سايات قابدييەۆ.
سايات قابدييەۆ ايتىپ وتكەندەي، ازىرگە ءورت الاڭى مەن ونىڭ سەبەپتەرى تۋرالى ناقتى اقپارات جوق. «بۇل باياناۋىل اۋىلىنان ون شاقىرىم جەردە ورنالاسقان. جاسىبايداعى دەمالىس ايماقتارىنان وتپەن قامتىلعان اۋماقتى سابىندىكول كولى، تاۋلار، جولدار بولەدى، بۇل شامامەن 25 ك م. ءورتتى ءسوندىرۋ جونىندەگى شتاب ورتتەن ءبىر شاقىرىم جەردە ورنالاسقان. ءورت سوندىرۋگە 78 ادام مەن 20-عا جۋىق ارنايى تەحنيكا قاتىسادى. اۋدان اكىمدىگى ادامدار، تەحنيكا، جانارماي بەرىپ كومەكتەسۋدە»، - دەدى س. قابدييەۆ.
بۇگىن ساعات 11:10-دا ەكى م ي-8 تىكۇشاعى جۇمىس ىستەي باستادى، بىرەۋى اۋماقتى پاترۋلدەيدى، ەكىنشىسى 2,5 مىڭ تەكشە سۋمەن ءورت سوندىرەدى. ءورت ورنىندا باياناۋىل مەملەكەتتىك تابيعي پاركىنىڭ، اۋداندىق اكىمدىكتىڭ، وبلىستىق ورمان جانە جانۋارلار دۇنيەسى اۋماقتىق ينسپەكتسياسىنىڭ، وبلىستىق ءورت ءسوندىرۋ جانە اۆاريالىق- قۇتقارۋ جۇمىستارى قىزمەتىنىڭ قىزمەتكەرلەرى بار.