21:14, 15 - شىلدە 2019 | GMT +6
وڭتۇستىك كورەيانىڭ كاسىپكەرلەرى جاپوندىق تاۋارلاردىڭ يمپورتىنا قارسى شىقتى
نۇر-سۇلتان. قازاقپارات - وڭتۇستىك كورەيانىڭ كاسىپكەرلەرى جاپوندىق تاۋارلاردىڭ يمپورتىنا قارسى شىقتى. 50 گە جۋىق ادام سەۋلدەگى جاپونيا ەلشىلىگىنىڭ الدىندا نارازىلىق شاراسىن ۇيىمداستىرعان،
دەپ حابارلايدى «حابار 24».
شاعىن جانە ورتا كاسىپ يەلەرىنىڭ پىكىرىنشە، كۇنشىعىس ەلىنىڭ پرەمەرى سيندزو ابە وڭتۇستىك كورەيادان كەشىرىم سۇراۋى ءتيىس. سەبەبى، بۇعان دەيىن جاپونيا جوعارى تەحنولوگيانى دامىتۋعا ارنالعان شيكىزات ەكسپورتىن كەمىتەتىنىن جاريالادى. اتاپ ايتقاندا، Led-ەكراندار مەن ۇيالى تەلەفون وندىرىسىنە قاجەت فتورلانعان پولياميدتى، سونداي- اق وتكىزگىش سىمداردى جاساۋدا قولدانىلاتىن فتورلى سۋتەگىنى ەندى از مولشەردە ەكسپورتتايدى.
بۇل ءوز كەزەگىندە، تاڭعى شىق ەلىندەگى وندىرىسكە كەسىرىن تيگىزەدى. قوس تاراپتىڭ وكىلدەرى ساۋدا ماسەلەسىن تالقىلاۋ ءۇشىن جۇما كۇنى توكيودا كەزدەسكەن. الايدا، كەلىسسوزدەر ەش ناتيجە بەرمەدى.
www.24.kz