قورعانىس ءمينيسترى وتارداعى وق-دارىلەردىڭ ساقتالۋ جاعدايىن تەكسەردى

وتار. قازاقپارات - ق ر قورعانىس ءمينيسترى گەنەرال-مايور نۇرلان ەرمەكبايەۆ گۆارديا گارنيزونىنا بارعان جۇمىس ساپارىندا وق-ءدارى قويمالارىن تەكسەردى، دەپ حابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.

تەكسەرىس كەزىندە نۇرلان ەرمەكبايەۆ ءورت قاۋىپسىزدىگى تالاپتارىنىڭ ساقتالۋىنا ءجىتى ءمان بەردى.

لاۋازىمدى تۇلعالار قورعانىس مينيسترىنە زىمىراندار مەن وق-دارىلەردى ساقتاۋ ءتارتىبى، قارۋ-جاراقتىڭ، اسكەري جانە ارناۋلى تەحنيكالاردىڭ جاي-كۇيى، سونداي-اق ماتەريالدىق-تەحنيكالىق قۇرالدار تۋرالى باياندادى.

ۆەدومستۆو باسشىسى قويمانى تەكسەرۋ بارىسىندا وق-دارىلەر مەن اسكەري تەحنيكالاردى ساقتاۋ قاۋىپسىزدىگىن ارتتىرۋ بويىنشا ناقتى تاپسىرمالار بەردى ءارى اسكەري قىزمەتشىلەردىڭ ءورت قاۋىپسىزدىگى ەرەجەلەرىن بۇلجىتپاي ورىنداۋدىڭ مىندەتتى ەكەنىن ەسكەرتتى.