قازاقستاندىقتار قانداي ماماندىقپەن كوپ جۇمىس ىزدەيدى
ەرلەر مەن ايەلدەر اينالىساتىن كاسىپتىڭ ەجەلدەن قالىپتاسقان قاعيداسى بار. «ەركەك اقشا تابۋشى، ايەل سول اقشانى ورنىمەن جۇمساۋشى». الايدا، ۋاقىت وتە كەلە بۇل ۇستانىمدا وزەكتىلىگىن جوعالتىپ بارادى. ەڭبەك نارىعىندا وزگەرىستەر بولىپ، جاڭا ماماندىقتار پايدا بولۋدا. دەسەكتە، ايەلدەر مەن ەرلەر اراسىنداعى ناقتى ايىرماشىلىقتار ساقتالدى.
«قازىرگى الەمدە ەڭبەك نارىعىنداعى گەندەرلىك تەڭگەرىم وزگەرە باستادى. ەركەكتەر اينالىساتىن كاسىپ، ايەلدەرگە لايىقتى جۇمىس دەگەن ۇعىم جوعالىپ بارادى. ەسەسىنە جاڭا كاسىپتەر پايدا بولۋدا، - دەدى ماركەتينگ ءبولىمىنىڭ مەنەدجەرى دانا قاسىموۆا.
دەگەنمەن، اۋىر فيزيكالىق ەڭبەكتە، ەر ازاماتتاردىڭ ارتىقشىلىعى ءالى دە ساقتالعان. بۇدان باسقا، ەڭبەك كودەكسىندە نازىك جاندىلارعا تىيىم سالىنعان ءبىرقاتار جۇمىس ورىندارى بار، اتاپ ايتساق، دانەكەرلەۋ، سانتەحنيكا، تاۋ- كەن جۇمىستارى، قورعاسىنمەن جۇمىس ىستەۋ، ەلەكتروتەحنيكامەن بايلانىستى ماماندىقتار مەن گەولوگيالىق بارلاۋ جاتادى. ولاردىڭ كوپشىلىگى جەر استى جۇمىستارىمەن بايلانىستى. اۋىر كوتەرۋ، دەنساۋلىققا زيانى بار وندىرىستەر جانە جارىلىس جۇمىستارىن ايتۋعا بولادى. سونداي-اق، مۇنايشىلار، گاز قۇتقارۋشىلارى، كران وپەراتورلارى اراسىندا ايەلدەر جوق.
«ەر ادامدارعا شىدامدىلىق، ستراتەگيالىق ويلاۋ، توزىمدىلىك، ۇستامدىلىق جانە قاتالدىق سياقتى كاسىپتىك قاسيەتتەردى جاتقىزۋعا بولادى.
Hh.kz سايتىنىڭ مالىمەتتەرى بويىنشا، ەركەكتەر تومەندەگى ماماندىقتار بويىنشا جۇمىس ىستەيدى: اۆتوموبيل بيزنەسى (%92,82%)؛ قاۋىپسىزدىك (%92,46)؛ باسشىلىق (%68,49)؛ شيكىزاتتى ءوندىرۋ (%85,83)؛ ساتىپ الۋ (%61,70)؛ مونتاجداۋ جانە قىزمەت كورسەتۋ (%95,60)؛ اقپاراتتىق تەحنولوگيالار، ينتەرنەت، تەلەكوممۋنيكاتسيالار (%79,64)؛ ءوندىرىس (77,98%)؛ ءتۇرلى قىزمەت كورسەتەتىندەر (%92,53)؛ قۇرىلىس جانە جىلجىمايتىن مۇلىك (%79,38)؛ كولىك، لوگيستيكا (%82,41)؛ قىزمەتكەرلەردى باسقارۋ (%79,76)»، - دەدى دانا قاسىموۆا.
ونىڭ ايتۋىنشا، ايەلدەردىڭ بويىندا مىنا قاسيەتتەر تابىلۋى كەرەك: ۇقىپتىلىق، تاباندىلىق، ادالدىق پەن شىدامدىلىق . ايەلدەر باسىم بولىگى ەكونوميكا سالاسىن تاڭدايدى (%81,98)، ەسەپشى (%66,16)، مەديتسينا (%74,47)، عىلىم جانە ءبىلىم (%79,88)، سۇلۋلىق پەن فيتنەس سالوندارى (%68,73)، ساقتاندىرۋ قورى (%61,87).
سوڭعى التى ايدا ەرلەر اراسىندا ەڭ كوپ سۇرانىسقا يە كاسىپتىك باعىتتار: ءوز كاسىبىن باستاۋ (%16,43)، ساتۋ (%11,54)، ءوندىرىس (%9,21)، كولىك، لوگيستيكا (%8, 60)، IT، تەلەكوممۋنيكاتسيا، ينتەرنەت (%8,48)،
«ەركەكتەردىڭ %44,29 ى 142,5 مىڭنان 285 مىڭ تەڭگەگە دەيىن جالاقى العىسى كەلەدى»، - دەپ اتاپ ءوتتى كومپانيا.
سونداي-اق، HeadHunter Kazakhstan ۇسىنعان رەسمي مالىمەتتەرى بويىنشا، ايەلدەر قاۋىمى وزدەرىنىڭ تۇيىندەمەلەرىن كەلەسى كاسىبي باعىتتاردا ورنالاستىردى: ەڭبەك جولىن العاش رەت باستاۋ، بۋحگالتەرلىك ەسەپ، باسقارۋشىلىق ەسەپ، قارجى كومپانيالارى؛ ساتۋ؛ اكىمشىلىك قىزمەت كورسەتۋ، بانكتەر، ينۆەستيتسيالىق جوبا ۇسىنۋ، ليزينگ. ايەلدەر اراسىندا ەڭ كوپ تالاپ ەتىلەتىن ەڭبەكاقى مولشەرى 100800 دەن 201700 تەڭگەگە دەيىن.
ق ر زاڭناماسىندا مەملەكەتتىك جانە قوعامدىق ءومىردىڭ بارلىق سالالارىندا ەرلەر مەن ايەلدەردىڭ تەڭ قۇقىقتارى مەن تەڭ مۇمكىندىكتەرىن قامتاماسىز ەتۋگە كەپىلدىك بەرىلەدى.
«كونستيتۋتسياعا سايكەس ءاربىر ادام ەڭبەك اقىسىن الۋعا قۇقىلى. بارلىق ادام زاڭ مەن سوت الدىندا تەڭ. ازاماتتىق، الەۋمەتتىك، لاۋازىمدىق جانە قارجىلىق جاعدايىنا، جىنىسىنا، ۇلتىنا، تىلىنە، دىنىنە، دىلىنە، نانىمىنا، تۇرعىلىقتى جەرىنە نەمەسە باسقا دا جاعدايلارعا بايلانىستى ەشكىمگە كەمسىتۋگە جول بەرىلمەيدى»، - دەيدى كومپانيا وكىلدەرى.
اۆتورى: الما مۇقانوۆا