ەكس- مينيستر ەلميرا سۋحانبەرديەۆا قاماۋدا وتىرعان كەزەڭدە كىتاپ جازدى

نۇر- سۇلتان. قازاقپارات - ەكس- ۆيتسە- مينيستر ەلميرا سۋحانبەردييەۆاعا قاماۋدا وتىرعان كەزىندە كىتاپ جازعانىن ايتتى، دەپ حابارلايدى قازاقپارات ءتىلشىسى.

«وسى وتكەن 34 كۇندە كىتاپ جازدىم، «تۇرمە ۆيتسە- ءمينيستردىڭ كوزىمەن» اتتى كىتاپ جاقىن ارادا جارىققا شىعادى. وندا ايەلدەردىڭ اباقتىداعى جاعدايى باياندالادى. كىتاپتا كوپتەگەن پىكىرلەر قامتىلادى، وقىرمان قاۋىمعا قىزىقتى بولادى دەپ ويلايمىن. وندا تەك ءوزىم جايلى اۆتوبيوگرافيا عانا ەمەس، سونىمەن قاتار جالپى ماسەلەلەر جازىلادى»، - دەدى بۇرىنعى ۆيتسە- مينيستر.

 ونىڭ سوزىنە قاراعاندا، اتالعان كىتاپ تولىعىمەن جازىلىپ شىقتى، ەندى شامالى تۇزەتۋلەر ەنگىزۋ قاجەت. وسى ورايدا كىتاپتى جارىققا شىعارۋعا نيەتتى باسپالار بايلانىسقا شىققان.

 «بۇل تۇرعىدا كەيىنىرەك باسپا ءسوز ءماسليحاتىن وتكىزەمىن. سىزدەرگە بۇل كىتاپتى سىيعا تارتامىن»، - دەدى ە. سۋحانبەردييەۆا تىلشىلەرگە قاراتا ايتقان سوزىندە.

ايتا كەتەيىك، بۇگىن ەلوردادا ق ر ءبىلىم جانە عىلىم ۆيتسە- ءمينيسترى بولعان ەلميرا سۋحانبەرديەۆاعا قاتىستى سوت ۇكىمى شىقتى. وعان 2500 ا ە ك كولەمىندە ايىپپۇل تاعايىنداۋ شەشىمى شىعارىلدى. جالپى، ول  5948900  تەڭگەنى تولەۋگە مىندەتتەلدى.

سونىمەن قاتار، ءومىر بويىنا مەملەكەتتىك قىزمەتتە، سوتتا، ۇلتتىق بانكتە، جەرگىلىكتى ءوزىن- ءوزى باسقارۋ ورگاندارىندا جانە مەملەكەت ۇلەسى % 50 اساتىن وزگە دە مەملەكەتتىك ۇيىمداردا - ۇلتتىق حولدينگتەر، ۇلتتىق دامۋ ينستيتۋتتارىندا جۇمىس ىستەۋ قۇقىعىنان ايىرىلدى.

بۇدان بۇرىن حابارلانعانداي، ەلميرا سۋحانبەردييەۆا سىبايلاس جەمقورلىق كۇدىگىمەن ۇستالدى جانە 2 ايعا قاماۋعا الىندى. ق ر سىبايلاس جەمقورلىققا قارسى ءىس- قيمىل ۇلتتىق بيۋروسى ەلميرا سۋحانبەرديەۆاعا قاتىستى سوتقا دەيىنگى تەرگەۋ امالدارىن باستادى. 9 - شىلدە كۇنى سوت وتىرىسى ءوتىپ، ول ءوز كىناسىن مويىندادى.