جۇكتى زاڭسىز تاسۋشىلاردىڭ كەڭ تارالعان سحەمالارىندا «قورعاس» باستى فيگۋرانت - جايدار ىڭكاربايەۆ

 نۇر- سۇلتان. قازاقپارات- قازاقستاندا مەملەكەتتىك شەكارا ارقىلى وتكىزىلەتىن تاۋارلارعا قاتىستى باقىلاۋ جۇرگىزۋ كەزىندەگى ءوزارا ءىس- قيمىل جوسپارى قۇرىلدى.

 ول باقىلاۋشى مەملەكەتتىك ورگاندارمەن (ءى ءى م، ا ش م، ق ر  ي ي د م، ق ر  ۇ ق ك ش ق) بىرلەسىپ بەكىتىلدى. بۇل تۋرالى ق ر ق م مەملەكەتتىك كىرىستەر كوميتەتى ءتوراعاسىنىڭ ورىنباسارى جايدار ىڭكاربايەۆ ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، «قورعاس» شەكارالىق ىنتىماقتاستىق حالىقارالىق ورتالىعىندا جۇكتى زاڭسىز تاسۋشىلار كولەڭكەلى كومپانيالاردىڭ كەڭ تارالعان سحەمالارىندا باستى فيگۋرانتتار بولدى. سوڭعىلارى جەكە تۇلعالاردى كەدەندىك تازارتۋسىز شەكارادان ءوتۋ ءۇشىن ءوز مۇقتاجى ءۇشىن تارتادى. قازىرگى ۋاقىتتا جەكە تۇلعالاردىڭ تاۋارلاردى اكەلۋىنىڭ رۇقسات ەتىلگەن نورماسى 50-دەن 25 كەلىگە دەيىن قىسقاردى.

سونداي- اق، جەرگىلىكتى مەملەكەتتىك كىرىستەر دەپارتامەنتتەرىنىڭ بازاسىندا تاۋارلاردى تۇپكىلىكتى الۋشىنى بەلگىلەۋ، قۇجاتتاردا مالىمدەلگەن قۇننىڭ دۇرىستىعىن تەكسەرۋ جانە جاناما سالىقتاردى تولەۋ ءۇشىن جەدەل شتابتار مەن موبيلدى توپتار قۇرىلدى.

«اتالعان توپتار بارلىق اكەلىنەتىن تاۋارلار بويىنشا تەكسەرۋ ءىس- شارالارىن جۇرگىزەدى. جوسىقسىز كومپانيالاردى حرونومەتراجدىق تەكسەرۋ باستالدى. سوڭعىلارى قۇجاتتارداعى مالىمەتتەردى دۇرىس مالىمدەۋمەن، تاۋارلاردىڭ قۇنىن تومەندەتۋمەن قاتار جاناما سالىق تولەنەتىن ناقتى اينالىمداردى كورسەتپەيدى»، - دەدى ج. ىڭكاربايەۆ.

ۆەدومستۆو مالىمەتىنشە، اعىمداعى جىلدىڭ باسىنان باستاپ مەملەكەتتىك كىرىستەر ورگاندارى ق ح ر- دان حالىق تۇتىناتىن تاۋارلاردى يمپورتتايتىن سىرتقى ەكونوميكالىق قىزمەتتىڭ 50 قاتىسۋشىسىنا قاتىستى حرونومەتراجدىق زەرتتەۋ جۇرگىزدى. ناتيجەسىندە، ءىس جۇزىندە بارلىعى قولدانىستاعى زاڭنامانى بۇزا وتىرىپ، قارجى- شارۋاشىلىق قىزمەتىن جۇرگىزەتىنى انىقتالدى.

«زاڭبۇزۋشىلىقتارعا جول بەرگەن سىرتقى ەكونوميكالىق قىزمەتتىڭ قاتىسۋشىلارىنا قاتىستى اكىمشىلىك جاۋاپكەرشىلىك شارالارى قابىلدانىپ، 3,2 ميلليارد تەڭگە كولەمىندە 80 نەن استام ايىپپۇل سالىندى»، - دەپ اتاپ ءوتتى كوميتەت باسشىسىنىڭ ورىنباسارى.

اۆتور: مارلان جيەمباي