جىلقىلاردى اتىپ، ەتىن ساتىپ جۇرگەندەر ۇستالدى

قوستاناي. قازاقپارات - قوستاناي وبلىسىندا جارتى جىل بويى ءۇي جانۋارلارىن اتۋ ارقىلى ۇرلىق جاساپ جۇرگەندەر قولعا ءتۇستى، دەپ حابارلايدى قازاقپارات.

اقپاراتتى وبلىستىق پوليتسيا دەپارتامەنتىنىڭ باسپا ءسوز قىزمەتى تاراتتى. وسى جىلدىڭ كوكتەم ايلارىنان بەرى پوليتسياعا بىرنەشە ءۇيىر جىلقىنىڭ جوعالعانى تۋرالى حابار كەلىپ تۇسكەن.

سونىمەن قاتار، ناۋىرزىم، اۋليەكول، قاراسۋ اۋداندارى مەن ءجىتىقارا قالاسىندا ءۇيىر جىلقىنىڭ ايعىرلارى جوعالىپ كەتكەن.

«مال ۇرلىعىنا قاتىستى اۋدانداردا جەدەل ىزدەۋ توپتارى قۇرىلدى. پوليتسەيلەر جايىلىمداردى قاراپ، اۆتوكولىكتەرگە تەكسەرۋ جۇرگىزگەن. ءىز كەسۋ شارالارىنىڭ بىرىندە ناۋىرزىم اۋدانىندا 1993 جانە 1984-جىلى تۋعان ەكى ەر ادام ۇستالدى. ولار اۋليەكول اۋدانىنىڭ تۇرعىندارى ەكەنى انىقتالدى. ۇرىلار جىلقىلاردى اتىپ الىپ، ەتىن قوستاناي قالاسىنا ساتىپ كەلگەن»، - دەدى وبلىستىق پوليتسيا دەپارتامەنتىنىڭ باسپا ءسوز حاتشىسى يرينا بەجەنار.

وبلىستىق پوليتسيا دەپارتامەنى باستىعىنىڭ ورىنباسارى جانبولات ولجابايەۆتىڭ سوزىنشە، قازىرگى ۋاقىتتا كۇدىكتىلەر كىناسىن تولىعىمەن مويىنداعان.

«ولاردىڭ 12 رەت مال ۇرلىعىنا قاتىستى بولعانى انىقتالدى. وقيعا ورنىندا تۇلىكتەردىڭ تەرىلەرى، تۇياعى تابىلىپ، زاتتاي دەرەك رەتىندە كورسەتىلەدى. جالپى، جىل باسىنان بەرى وبلىستا 115 مال ۇرلىعى فاكتىسى تىركەلدى»، - دەپ اتاپ ءوتتى جانبولات ولجابايەۆ.