باقىتجان ساعىنتايەۆ: بوستاندىق اۋدانىنا جاڭا الەۋمەتتىك نىساندار قاجەت
«بوستاندىق اۋدانىنىڭ تۇرعىندارىمەن كەزدەستىم. ولار جاڭادان سالىنعان تۇرعىن كەشەندەرى اينالاسىنىڭ رەتسىز اباتتاندىرىلعانىنا شاعىم ايتۋدا. جاياۋ جۇرگىنشىلەردىڭ، اسىرەسە بالالاردىڭ قاۋىپسىزدىگى الاڭداتادى. قوزعالىس بولىگىنە، ەڭ الدىمەن بالالاردىڭ مەكتەپكە باراتىن باعىتىنا بارىنشا قاۋىپسىز ءارى ىڭعايلى وتپەلى جولدار جاساعان ءجون. اۋدان اكىمىنە 15- شىلدەگە دەيىن وسى ماسەلەنى شەشۋدىڭ ناقتىلى جوسپارىن ۇسىنۋدى تاپسىردىم»، - دەپ جازادى ب. ساعىنتايەۆ facebook پاراقشاسىندا.
سونداي-اق، ب. ساعىنتايەۆ بوستاندىق اۋدانىنىڭ اكىمى ا. راحىمبەتوۆكە تۇرعىن ءۇي سالعان كەزدە ءبىرىنشى قاباتتارعا الەۋمەتتىك وبەكتىلەردىڭ ورنالاسۋىن قاراستىرۋدى تاپسىردى.
«الداعى اپپاراتتىق جيىندا بوستاندىق اۋدانىنىڭ اكىمى تۇرعىنداردى الاڭداتىن بارلىق ماسەلەلەردى شەشۋدىڭ ناقتىلى شارالارىن ۇسىنۋى ءتيىس»، - دەدى اكىم.