ق ر پرەزيدەنتى جوعارى سوت كەڭەسىنىڭ ءتوراعاسىن قابىلدادى

نۇر-سۇلتان. قازاقپارات - قاسىم-جومارت توقايەۆ جوعارى سوت كەڭەسىنىڭ ءتوراعاسى تالعات دوناقوۆتى قابىلدادى، دەپ حابارلايدى اقوردا.

مەملەكەت باسشىسىنا جوعارى سوت كەڭەسىنىڭ بيىلعى ءبىرىنشى جارتىجىلدىقتاعى جۇمىسىنىڭ قورىتىندىسى جانە سۋديالاردى ىرىكتەۋ جۇيەسىن جاڭعىرتۋ بويىنشا قابىلدانعان شارالار تۋرالى مالىمەت بەرىلدى.

قاسىم-جومارت توقايەۆ سوت جۇيەسىن ودان ءارى جەتىلدىرۋدى قامتاماسىز ەتۋ جانە سۋديالاردى ىرىكتەۋ تەتىگىن قاتاڭداتۋعا باعىتتالعان ناقتى ۇسىنىستار ازىرلەۋ قاجەتتىگىن ايتتى.