تانىمال شاحماتشى ءسادۋاقاسوۆا شاحماتتى تەگىن ۇيرەتەتىن ونلاين اكادەميا اشادى
وندا كەز كەلگەن ادام تىركەلىپ، شاحماتتىڭ قىر-سىرىن تەگىن ۇيرەنە الادى، دەپ حابارلايدى قازاقپارات.
جاقىندا عانا ازيا چەمپيونى اتانعان دينارا «شاحمات بارلىعى ءۇشىن» جوباسىمەن جۇمىس ىستەمەك
«جوبا ارقىلى شاحمات ويىنىن قازاقستاندا ناسيحاتتايمىز دەپ ۇمىتتەنەمىن. ءبىزدىڭ كوزدەگەن ماقساتىمىز - بارلىق وڭىردەگى حالىقتىڭ ءتۇرلى توبىنا شاحمات ويىنىن ۇيرەتۋ. سوندىقتان، كەز كەلگەن ادام تەگىن تىكەلە الاتىن شاحماتتىڭ ونلاين-اكادەمياسىن اشۋدى جوسپارلاپ وتىرمىز. وندا ءوزىم دە قاتىسىپ، بەينەساباقتار جۇكتەيمىن»، - دەدى شاحماتشى تىلشىلەرگە بەرگەن سۇحباتىندا.
بۇل ساباقتار دينارا ءسادۋاقاسوۆانىڭ جەكە ءوز ادىستەمەسىمەن جۇرگىزىلەدى.
«ءبىزدىڭ ورتالىقتىڭ ءبىر ەرەكشەلىگى - شاحمات ساباقاترىن قازاق تىلىندە ۇيرەنۋگە بولادى. بۇل جوبا ارقىلى وزگە اكادەميالارمەن باسەكەلەسكىمىز كەلمەيدى. تەك شاحماتقا قىزىعاتىندارعا ۇيرەنۋ، ويناۋ مۇمكىندىگىن سىيلاعىمىز كەلەدى. ونلاين- ساباقتار شالعاي اۋىلداعى بالالارعا نەمەسە مۇمكىندىگى شەكتەۋلى جاندارعا قولايلى بولماق»، - دەدى ول.
ۇيىمداستىرۋشىلاردىڭ ايتۋىنشا، «شاحمات بارلىعى ءۇشىن» جوباسىن قۇرۋ - گروسسمەيستەردىڭ قازاقستاندا شاحمات ويىندارىن دامىتۋعا جاساعان ۇلكەن قادامدارىنىڭ ءبىرى. شاحماتتىڭ قولجەتىمدىلىگىن ارتتىرۋ ەلىمىزدەگى باسەكەگە قابىلەتتى تالانتتى جاستار قاتارىن ارتتىرۋمەن تەڭ. شاحمات - كەيدە جەڭىسكە جەتىپ، كەيدە جەڭىلىپ نەمەسە ۋاقىتشا مامىلەگە قول جەتكىزۋگە بولاتىن ءومىردىڭ قىسقاشا ءبىر ۇلگىسى سەكىلدى. ءاربىر جەڭىس پەن جەڭىلىستەن قورىتىندى شىعارا ءبىلۋ - ءاربىر ادامنىڭ بويىندا ساتسىزدىكتى دۇرىس قابىلداپ، بولاشاق مىندەتتەردى دۇرىس قۇرۋعا كومەكتەسەدى.
وسى ماقساتتا دينارا ءسادۋاقاسوۆانىڭ شاحمات اكادەمياسى قازاقستان اۋماعى بويىنشا ۇلكەن الەۋمەتتىك جۇمىستاردى جۇرگىزىپ كەلەدى. شاحماتشى ارۋ ءبىر مەزگىلدىك ويىن سەانستارىن، شەبەرلىك سىنىپتارى مەن تۋرنيرلەردى تەك ەلوردادا عانا ەمەس، اتىراۋ، اتىراۋ، پاۆلودار، اقتاۋ، قىزىلوردا، شىمكەنت جانە وزگە دە وڭىرلەردە وتكىزدى.