الەمدەگى كۇللى شىركەۋ عيباداتقا ەڭ قاجەتتى نارسەسىن جوعالتۋ الدىندا تۇر

تاياۋدا كەلتىرىلگەن دەرەككە قاراعاندا، الداعى ون بەس جىل ىشىندە لادان ءتۇسىمى ەكى ەسەگە كەمىمەك. لادان دەگەنىمىز نە ءوزى؟ لادان ازيا مەن افريكا قۇرلىعىنداعى تروپيكالىق ەلدەردە وسەتىن بوسبەلليا (Boswellia) تۇقىمىنا جاتاتىن اعاش شايىرى.
نەگىزىنەن افريكانىڭ شىعىسىندا، ارابيانىڭ وڭتۇستىك-باتىسىندا جانە سوكوترو ارالىندا وسەتىن Boswellia sacra لادان اعاشىنان الىنادى. لاداننىڭ الەمدىك ءوندىرىسى بىرنەشە مىڭ تونناعا جەتەدى. لادان اعاشىنىڭ شايىرى جابايى تابيعاتتا جينالادى. ولاردىڭ كوپ بولىگى سومالي، جيبۋتي، يەمەن، ومان جانە ەفيوپيا نارىعىنان تابىلادى.
سوڭعى جىلدارى اتالعان ەلدەردە لادان ءتۇسىمى ازايىپ كەتكەن. عالىمدار لاداننىڭ جوعالۋىنا قاتىستى ىقتيمال قاتەردىڭ دەڭگەيىن انىقتاۋ ءۇشىن افريكا وڭتۇستىگىندەگى 23 ءوڭىردىڭ 21 786 اعاشىن تەكسەرىپ كورگەن ەكەن. ولاردىڭ ىشىندە 202 اعاشتىڭ جىلدىق (عۇمىرلىق) ساقيناسىن تالداپ، ارتىنشا كومپيۋتەرلىك ۇلگىسىن جاساعان.
لادان اعاشىنىڭ بولاشاعىن بولجاۋ ءۇشىن. ناتيجەسىندە الداعى 15 جىل ىشىندە لادان اعاشىنىڭ سانى %50 عا كەميتىنى بەلگىلى بولدى. لادان اعاشىنىڭ قۇرۋىنا ونى شەكتەن تىس پايدالانۋ (لادان الۋ ءۇشىن) عانا سەبەپ بولىپ وتىرعان جوق، سونىمەن قاتار، مال جانە اۋىل شارۋاشىلىق ماقساتىندا پايدالانىلاتىن جەر ءۇشىن لادان اعاشىنىڭ اۋماعى تارىلىپ بارادى.
islam.kz