قانات يسلام الەمدىك رەيتينگكە قايتا ورالدى

نۇر- سۇلتان. قازاقپارات - قازاقستاندىق كاسىپقوي بوكسشى قانات يسلام (26-0,  21ك و) BoxRec.com پورتالىنىڭ الەمدىك رەيتينگىنە قايتا ەندى، دەپ حابارلايدى قازاقپارات.

 كاسىپقوي بوكستاعى 26 جەكپە- جەگىندە جەڭىسكە جەتكەننەن كەيىن قانات يسلام سۋپەر ورتا سالماقتا 88.69 ۇپايمەن 1561 كاسىپقوي بوكسشى اراسىندا 35- ورىنعا جايعاستى. سونداي- اق، ول ءوز سالماعىندا قازاقستاندىق كاسىپقوي بوكسشىلار اراسىندا كوش باستاپ تۇر. ەسكە سالايىق، 34 جاستاعى قازاقستاندىق بوكسشى 5 - شىلدە الماتى قالاسىندا ەكى جىلعا جۋىق ۇزىلىستەن كەيىن كاسىپقوي رينگكە قايتا ورالدى. وتانداسىمىز دومينيكالىق قارسىلاسى حۋليو دە حەسۋستى (27-2, 24 ك و) 14 سەكۋندتا نوكاۋتقا ءتۇسىرىپ، ورتا سالماقتا WBO Inter- Continental چەمپيوندىق بەلدىگىن جەڭىپ الدى.

  اۆتور: مۇحتار قاليموللا ۇلى