تامارا دۇيسەنوۆا قىزمەتىنەن كەتتى

نۇر-سۇلتان. قازاقپارات - تامارا دۇيسەنوۆا باسقا جۇمىسقا اۋىسۋىنا بايلانىستى «Nur Otan» پارتياسىنىڭ حاتشىسى قىزمەتىنەن بوساتىلدى.

بۇل تۋرالى پارتيا ءتوراعاسىنىڭ ءبىرىنشى ورىنباسارى باۋىرجان بايبەك Twitter- دەگى پاراقشاسىندا جازدى، دەپ حابارلايدى قازاقپارات ءتىلشىسى.

«ول ءبىر جارىم جىلدىڭ ىشىندە پارتيانىڭ سايلاۋالدى تۇعىرناماسى مەن حالىقتىڭ ءال-اۋقاتىن ارتتىرۋعا باعىتتالعان الەۋمەتتىك باستامالاردى جۇزەگە اسىرۋعا ۇلكەن ۇلەس قوستى»، - دەپ جازدى باۋىرجان بايبەك.

سونىمەن قاتار ول ناتيجەلى ەڭبەگى ءۇشىن تامارا قاسىم قىزىنا پارتيا باسشىلىعىنىڭ اتىنان العىس ءبىلدىرىپ، الداعى قىزمەتىنە تابىس پەن ساتتىلىك تىلەدى.