ۇكىمەتتە شىمكەنت قالاسىن دامىتۋدىڭ كەشەندى جوسپارى تانىستىرىلدى
«كەشەندى جوسپار قولدانىستاعى زاڭناماعا سايكەس ءتيىستى ورتالىق مەملەكەتتىك ورگاندارمەن كەلىسىلىپ، 2019-جىلدىڭ 29- ساۋىرىندە رەسپۋبليكالىق بيۋجەتتىك كوميسسيا وتىرىسىندا قولداۋ تاپتى. جوسپار 10 باعىتتان جانە 89 جوبادان تۇرادى. بيۋجەتكە جۇكتەمەنى ازايتۋ ءۇشىن جەكە ينۆەستيتسيالارعا جانە مەملەكەتتىك-جەكەشەلىك جوبالارعا باسىمدىق بەرىلدى»، - دەدى قالا اكىمى.
اتاپ ايتقاندا، كەشەندى جوسپاردى ىسكە اسىرۋعا 1 تريلليون 284 ميلليارد تەڭگە قاجەت بولسا، ونىڭ 836 ميلليارد تەڭگەسى نەمەسە 65 پايىزى جەكە ينۆەستورلار ەسەبىنەن جۇزەگە اسىرىلماق.
«رەسپۋبليكالىق بيۋجەت ەسەبىنەن 299 ميلليارد تەڭگە، جەرگىلىكتى بيۋجەتتەن 81 ميلليارد تەڭگە جانە 68 ميلليارد تەڭگە مەملەكەتتىك-جەكەشەلىك ارىپتەستىك ارقىلى قامتىلماق»، - دەدى ع. ءابدىراحىموۆ. ونىڭ سوزىنە قاراعاندا، تۇرعىن ءۇي-كوممۋنالدىق شارۋاشىلىعىن دامىتۋ باعىتىندا 30 جوبا جۇزەگە اسىرىلادى.
ناتيجەسىندە، 2023-جىلى اۋىز سۋمەن قامتۋ 93 تەن 98 پايىزعا، كارىز جۇيەلەرى 49 دان 75 پايىزعا، ساپالى ەلەكتر جەلىسىمەن 91 دەن 96 پايىزعا، گازبەن قامتۋ 92 دەن 98 پايىزعا جەتەدى.