ا ق ش بيلىگى الەۋمەتتىك جەلىلەردىڭ باس قوسۋىنا فەيسبۋك پەن تۆيتتەردى شاقىرمادى
الەۋمەتتىك جەلىدەگى جاڭا مىنەز-قۇلىق ەرەجەلەرىن ازىرلەۋ ماسەلەسىنە ارنالعان وتىرىس 11- شىلدە كۇنى اق ۇيدە بولادى.
تەلەارنانىڭ حابارىنا سۇيەنسەك، بيلىكتىڭ وسىنداي شەشىمگە كەلۋى و باستان بەلگىلى بولعان.
Facebook جانە Twitter كومپانيالارىنىڭ پايىمداۋىنشا، الەۋمەتتىك جەلىلەردىڭ زياندى اقپاراتتاردى ءوشىرۋ شارالارىنا ارنالعان پىكىرتالاس ىمىرامەن تارقاۋى مۇشكىل.
ويتكەنى كەزدەسۋگە نەگىزىنەن كونسەرۆاتيۆتىك ساياسي پىكىر جاقتاستارى قاتىسادى. ال ولار Facebook پەن Twitter- ءدىڭ ناسىلشىلدىكتى ورشىتەتىن جازبالاردى بۇعاتتاۋ ساياساتىنا بۇرىننان قارسىلىق تانىتىپ كەلەدى.
ايتا كەتەيىك، Facebook 2018 -جىلدىڭ العاشقى توقسانىندا ىعىر ەتەتىن جارناماسى بار 837 ميلليون حابارلامانى، كۇش قولدانۋدى ناسيحاتتايتىن 3,4 ميلليون جازبانى، اشىق ۆيدەولار مەن سۋرەتتەرى بار 21 ميلليون پوستى، تەرروريستىك توپتاردىڭ ۇگىتتەرى بار 1,9 ميلليون جازبانى، ۇلتارالىق جانە ناسىلشىلدىك ارازداردى ورشىتەتىن 2,5 ميلليون جازبانى وشىرگەن.