ديماش قۇدايبەرگەن وزىنە پاروديا جاساعان بويجەتكەننىڭ ونەرىنە ءتانتى بولدى

نۇر-سۇلتان. قازاقپارات - ديماش قۇدايبەرگەن وزىنە پاروديا جاساعان ءانشى قىزدىڭ ونەرىنە ءتانتى بولدى، دەپ حابارلايدى قازاقپارات ءانشىنىڭ Instagram پاراقشاسىنا سىلتەمە جاساپ.

«وتە قىزىق پاروديا. بۇل قىز ماعان وزىمنەن دە قاتتى ۇقسايدى عوي. وتە تالانتتى جۇمىس»، - دەپ جازدى ديماش قۇدايبەرگەن.

بۇل - موڭعوليالىق «ياگ تۋۋن شيگ» تەلەشوۋىندا ونەر كورسەتكەن موڭعول قىزى ب. حاليۋن بولاتىن.

ول قىتايدا وتكەن I am a singer جوباسىندا ديماش شىرقاعان «S.O.S d'un terrien en détresse» اتتى فرانسۋز ءانىن ورىندادى.

ەسكە سالا كەتەيىك، ءبىز بۇعان دەيىن نيۋ-يوركتە ديماش قۇدايبەرگەننىڭ كونسەرتى وتەتىنىن حابارلاعان بولاتىنبىز.