ارىستىڭ بالالارى دەمالۋ ءۇشىن ەلىمىزدىڭ باتىسى مەن شىعىسىنا اتتاندى
سونىمەن بىرگە، كەشكە قاراي 150 وقۋشى تابيعاتى تاڭعاجايىپ شىعىس قازاقستان وبلىسىنا جىبەرىلدى، دەپ حابارلايدى قازاقپارات تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
وقۋشىلاردى اتا-انالارى مەن ۇستازدارى ارىستاعى تەمىر جول ۆوكزالىنان شىعارىپ سالدى. بۇعان دەيىن ارىستىق وقۋشىلار پاۆلودار (129)، اقمولا (145)، جامبىل (200)، الماتى وبلىستارى (150) مەن نۇر-سۇلتان (200) قالاسىنا دەمالىسقا جولدانعان بولاتىن.
جالپى وسى جازعى دەمالىستا ارىستىڭ 4 مىڭنان استام وقۋشىسىن وزگە وڭىرلەرگە دەمالىسقا جىبەرۋ كوزدەلگەن.
قازىرگى تاڭدا 1 مىڭنان استام وقۋشى دەمالىسقا جىبەرىلدى. سونىمەن قاتار تۇركىستان وبلىسىنىڭ اۋداندارى 462 بالانى جازعى ساۋىقتىرۋمەن قامتۋدا.
وقۋشىلاردى ارنايى بەكىتىلگەن ۇستازدار الىپ جۇرەدى جانە جاس ورەندەردىڭ الاڭسىز تىنىعۋىنا قولايلى جاعداي جاسالعان.