ناعىز قازاق - دومبىرا: ەلوردادا ۇلتتىق دومبىرا كۇنى قالاي وتۋدە

نۇر-سۇلتان. قازاقپارات - بۇگىن ەلىمىزدىڭ باستى الاڭى ەلورداداعى «قازاق ەلى» مونۋمەنتى الاڭى قازاقتىڭ قارا دومبىراسىنان توگىلگەن كۇيگە بولەندى.

مىڭعا جۋىق دومبىراشى ءتۇرلى مۋزىكالىق اسپاپتاردىڭ سۇيەمەلدەۋىمەن «بالبىراۋىن»، «اداي»، «سارىارقا»، «القيسسا» كۇيلەرىن ورىنداپ، جينالعان كورەرمەننىڭ قۇلاق قۇرىشىن قاندىردى. بۇل جىل سايىن شىلدە ايىنىڭ العاشقى جەكسەنبىسىمەن تۇسپا-تۇس كەلەتىن ۇلتتىق دومبىرا كۇنىنە ارنالعان مەرەكەلىك كونسەرت ەدى. قازاقپارات وسى شارانى سۋرەتتەر تىلىمەن وقىرمان نازارىنا ۇسىنادى.

 

مەرەكەلىك كونسەرتتەن اقپارات تاراتۋ ماقساتىندا «قازاق ەلى» الاڭىنا ساعات 11-دەن وتە جەتكەنىمىزدە شارا وتەتىن جەرگە اعىلعان قالىڭ دومبىراشى مەن جۇرتشىلىققا كۋا بولدى. ساحنا تورىندە دومبىرادان كۇي توگىلتەتىن ادامدار ۇستىلەرىنە ويۋمەن بەزەندىرىلىپ، «ۇلتتىق دومبىرا» كۇنى دەگەن جازۋى بار فۋتبولكا، باستارىنا كەپكى كيىپ العان. ءار جەردە دومبىرادان كۇي توگىلتىپ، ءازىل اڭگىمەگە ەرىك بەرگەن جاستاردىڭ دا قاراسى قالىڭ.

 

ساعات 11-30-دا دومبىراشىلار ساحنا تورىنە جايعاسىپ، جينالعان قاۋىمدى ءبىر-ەكى كۇيمەن سۋسىنداتتى. وسىدان كەيىن مەرەكەلىك كونتسەرتتىڭ باستى قوناعىن كۇتىپ، سىلتىدەي تىندى.

 

مارتەبەلى مەيمان دا كوپ كۇتتىرگەن جوق. ساعات ءتىلى 12-گە 10 مينۋت قالعاندا ق ر پرەزيدەنتى اكىمشىلىگىنىڭ باسشىسى قىرىمبەك كوشەربايەۆ پەن نۇر-سۇلتان اكىمى التاي كولگىنوۆتى ەرتكەن مەملەكەت باسشىسى جۇرتشىلىقتىڭ قوشەمەتىمەن ارنايى تىگىلگەن شاتىر استىنداعى ورىنعا بەت الدى.

 

باتىرلارىمىزعا رۋح، اقىندارىمىزعا شابىت بەرگەن كۇمبىرلەگەن دومبىرانىڭ ۇنىنەن توگىلگەن بىرنەشە كۇيدى تىڭداعاننان كەيىن مەملەكەت باسشىسى قاسىم-جومارت توقايەۆ قۇتتىقتاۋ ءسوزىن سويلەدى.

 

دومبىرا ءاربىر قازاقتىڭ رۋحىن كوككە كوتەرەتىن قۇندى قازىنامىز بولا بەرۋى ءتيىس

 

مەكتەپتە دومبىرا ۇيرەنۋ ساباعىن ەنگىزۋ قاجەت.

 

دومبىرا بۇكىل قازاقستان حالقىن بىرىكتىرەتىن تەڭدەسى جوق مادەني مۇرا.