ەلوردادا تاعى ءبىر ىرگەلى مەشىت اشىلدى

 قازاقستان مۇسىلماندارى ءدىني باسقارماسىنىڭ مالىمەتىنشە، بۇل - ەلوردادا ەسىگىن ايقارا اشقان 11- مەشىت. جەكە مەردىگەردىڭ كومەگىمەن سالىنعان قۇلشىلىق ورنىنىڭ اشىلۋىنا ق م د ب ءتوراعاسى، باس ءمۇفتي سەرىكباي قاجى وراز قاتىسىپ، جيىلعان جۇرتشىلىق الدىندا مەشىت سالۋدىڭ ساۋابىنا توقتالدى.

«مەشىت - ادامداردى مەيىرىمگە، سۇيىسپەنشىلىككە شاقىراتىن، ءبىر- بىرىنە قامقور بولىپ، قول ۇشىن بەرەتىن، مۇقتاج بولعان ادام جانىنا تىنىشتىق تاباتىن، سونداي ءبىر قاسيەتتى، ۇلىق مەكەن. بۇل - يماندىلىقتىڭ، ءبىلىمنىڭ، عىلىمنىڭ ورداسى. كەشەگى قاراوتكەلدەن كەلە جاتقان اقمولا، كەشە عانا حالقىمىزدىڭ باسىن بىرىكتىرگەن استانا، بۇگىن نۇرلانىپ دامىپ جاتقان نۇر- سۇلتان قالاسىندا حالىقتىڭ نەگىزگى بولىگى شوعىرلانعان جەرگە مەشىت كوپتەن بەرى قاجەت ەدى. مىنەكي، ەلباسىمىزدىڭ تاپسىرماسىمەن ءدال وسى حالىق تىعىز ورنالاسقان جەرگە مەشىت سالدىرعان اۋلەتكە اللا رازى بولسىن دەيمىز» ، - دەدى باس ءمۇفتي بۇگىنگى مەشىتتىڭ اشىلۋ ءراسىمى كەزىندە.

 ايتا كەتەيىك، باس قالانىڭ وڭ جاعالاۋىندا بوي كوتەرگەن جاڭا مەشىتكە ءبىر مەزەتتە 1500-2000 ادام ەركىن سىيىپ، قۇلشىلىعىن وتەي الادى. سونداي- اق، مەشىت جانىنان اس بەرۋگە، رامازان ايىندا اۋىزاشار بەرۋگە ىڭعايلى اسحانا دا اشىلدى.