جەر سىلكىنىسىنە بايلانىستى توتەنشە جاعداي رەجىمى ورنادى

بۇل تۋرالى شتات گۋبەرناتورى گەۆين نيۋسومنىڭ سايتىندا جاريالانعان مالىمدەمەدە جازىلعان، دەپ حابارلايدى قازاقپارات.

كەرن وكرۋگىنىڭ اۋماعىندا ريدجكرەست قالاسى ورنالاسقان (حالىق سانى 28 مىڭ ادام). CNN تەلەارناسى بۇعان دەيىن حابارلاعانداي، ريدجكرەست مەرى پەگگي بريدەن قالادا جەر سىلكىنىسىنەن كەيىن ءورت شىققانىن ايتقان.

ءورت گاز قۇبىرىنىڭ زاقىمدالۋى سالدارىنان شىعۋى مۇمكىن. ءورت ءسوندىرۋ قىزمەتىنىڭ وكىلدەرى Twitter- دە تىكەلەي ەفيردەن كورسەتىلگەن باسپا ءسوز ءماسليحاتىندا ءمالىم ەتكەندەي، ءورت كەزىندە بىرنەشە ادام جەڭىل جاراقات العان.

قازا تاپقاندار تۋرالى اقپارات ازىرگە تۇسكەن جوق. ريدجكرەست اۋرۋحانالارىنىڭ بىرىندە ەۆاكۋاتسيا جۇرگىزىلدى.

15 ناۋقاس باسقا ەمدەۋ مەكەمەسىنە اۋىستىرىلدى. بۇل شيرەك عاسىر ىشىندەگى وسى شتاتتاعى ەڭ كۇشتى جەل سىلكىنىسى، دەپ اتاپ ءوتتى Los Angeles Times گازەتى.