شىلدە ايىندا ساياحاتتاۋعا تۇرارلىق ەلدەر
نۇر- سۇلتان. قازاقپارات - جازدىڭ العاشقى ايى دا اياقتالىپ قالدى. دەگەنمەن، ءالى دە دەمالىس ۋاقىتى جالعاسىۋدا.
قازاقستاننىڭ اسەم قالالارىن ارالاپ، ەندى الەمگە ساياحاتتاۋ جوسپارىڭىزدا بولسا، شىلدە ايىندا تانىمالدىلىعى ارتىپ، تۋريستەردى ەلىكتەرەتىن ايماقتار ءتىزىمىن ۇسىنامىز:
چەرنوگوريا
چەرنوگورياعا ساياحاتتاۋ ءۇشىن قازاقستاندىقتارعا ۆيزانىڭ كەرەگى جوق. بىرنەشە جىل بۇرىن، چەرنوگوريا انتاليانىڭ انالوگى سانالاتىن. بۇگىندە بۇل جەر جايلى، تىنىش، وتباسىلىق دەمالىس ءۇشىن تاپتىرماس ورىنعا اينالدى.
قايدا دەمالامىن: كوتور قالاسىندا. تاۋلاردىڭ بوكتەرىندە ورنالاسقان شىعاناق جازعى دەمالىسىندا تابيعات اياسىندا كىتاپ وقىپ، اسەم ءان تىڭداعاندى جاقسى كورەتىندەر ءۇشىن تاپتىرماس ورىن. تيۆات اۋەجايى ارقىلى كوتورعا جەتۋگە بولادى. باعالار: قوناق ۇيلەردە تۇنەپ شىعۋ شىعىنى - € 200 ەۋرو. دەگەنمەن، ءبىز پاتەر ىزدەۋگە كەڭەس بەرەمىز: ارزانعا شىعادى، ال تاماقتى بازاردان الا الاسىز. ال، جاعالاۋدا دەمالۋ ءۇشىن ارنايى جاتىن ورنىنى ەكى ادامعا €10 ەۋرو تولەۋىڭىز كەرەك.
حورۆاتيا
بۇل جەردە «تاقتار ويىنى» تۇسىرىلگەننەن بەرى، ونىڭ تانىمالدىلىعى ەكى ەسە ارتتى. ەگەر ءتۇسىرىلىم الاڭىن ءوز كوزىڭىزبەن كورىپ، ورتا عاسىرداعى قالا بەينەسىن تاماشالاعىڭىز كەلسە، ەلدىڭ وڭتۇستىگىنە اتتانىڭىز:
قايدا دەمالامىن: كۆارنەردە. ەگەر ءسىز جايلىلىقتى ىزدەسەڭىز كۆارنەر ماڭىنداعى وپاتيا قالاسىنا بارا الاسىز نەمەسە كولىكتى جالعا الىپ ۆەنەتسياعا بارىپ قايتساڭىز دا بولادى.
باعا: وپاتيادان ءتورت نە بەس جۇلدىزدى قوناق ۇيدەن ەكى ادامدىق بولمەنى €100 ەۋروعا تابۋعا بولادى. پاتەرلەردە سول باعادا بولماق.
يتاليا
ساياحاتتاپ بارۋعا بولاتىن ەلدەر تىزىمىندە مىندەتتى تۇردە يتاليا بولۋى شارت. يتاليا - ءوزىنىڭ ءساندى كوشەلەرىمەن، اسەم بيكەشتەرىمەن جانە جايلى جاعالاۋلارىمەن تانىمال.
قايدا دەمالامىن: كامپانيادا. ريمگە ۇشىپ كەلىپ، كولىك جالعا الاسىز دا كالابرياعا، كەيىن كامپانياداعى ۇلتتىق ساياباق چيلەنتو- ي- ۆاللو- دي- ءديانونى كورىپ، نەاپول مەن سالەرنو جاعاجايلارىنىڭ اراسىندا كۇنگە قىزدىرىنۋىڭىزعا بولادى.
باعالار: يتاليانىڭ شاعىن قالالارىن €50 ەۋرو مەن €100 ەۋرو اراسىنداعى قوناق ۇيلەر مەن پاتەرلەر تابۋعا بولادى. قوناق ۇيلەردە تاڭعى اس بەرەدى، ال پاتەرلەردە كەڭ بولمەگە جايعاسۋعا بولدى. ويتكەنى، يتاليانىڭ قوناق ۇيلەرىنىڭ بولمەسى - وتە كىشكەنتاي.
Massaget.kz