ەلورداداعى «ەۋرازيا» كينوفەستيۆالىنە تانىمال پروديۋسەرلەر كەلدى
«جىل سايىن وسى فەستيۆال قامتىپ وتىرعان وڭىرلەر كەڭەيىپ كەلەدى. بيىل قازاقستان كارتينالارىمەن قاتار، فرانسيا، رەسەي، ماكەدونيا، يتاليا جانە باسقا دا ءبىرقاتار ەلدەردىڭ فيلمدەرى قاتىسادى دەپ كۇتىلۋدە. سونىمەن قاتار فەستيۆالگە كەلەتىن قوناقتار دا ارتىپ كەلەدى. ولار وسى شارادان بولەك، جالپى قازاقستانعا جانە ەلىمىزدە كينويندۋسترياعا قىزىعۋشىلىق تانىتۋدا» ، - دەدى ق ر مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتىنىڭ ديرەكتورى ءابىل جولامانوۆ.
ونىڭ ايتۋىنشا، بيىل فەستيۆال اياسىندا تانىسۋ ساپارىمەن ا ق ش- تان پروديۋسەرلەر توبى كەلدى. ولار بىرلەسكەن جوبالاردى ىسكە اسىرۋعا نيەت تانىتۋدا. بۇل تۇرعىدا Lionsgate, NBC Universal, Warner Horizon, The Discovery, Global Film Solutions جانە باسقا دا كومپانيالاردىڭ پروديۋسەرلەرى بار. ءوز كەزەگىندە «ەۋرازيا» كينوفەستيۆالىنىڭ پرەزيدەنتى ەرمەك تۇرسىنوۆ اتالعان شاراعا شىنىمەن دە تانىمال ونەر ۇجىمدارى شاقىرتۋ العانىن اتاپ ءوتتى. «فەستيۆال قىزىقتى بولادى دەگەن سەنىمدەمىز. بارلىقتارىڭىزدى وسى شارالارعا قاتىسۋعا شاقىرامىن. بيىل تانىمال ءارى سالانىڭ بىلىكتى ماماندارى كەلدى» ، - دەدى ە. تۇرسىنوۆ.
بەلگىلى بولعانداي، اعىمداعى جىلعى فەستيۆالدە قازىلار القاسىنىڭ ءۇش قۇرامى جۇمىس ىستەيدى: نەگىزگى بايقاۋ قازىلار القاسى، قىسقا مەتراجدى جانە انيماتسيالىق فيلمدەر بايقاۋىنىڭ قىزىلار القاسى، سونداي- اق NETPAC تاۋەلسىز قازىلار العاسى (ازيالىق كينونى ناسيحاتتاۋ جەلىسى) . فەستيۆال ورتالىعىندا تانىمال كينەماتوگرافيستەردىڭ شەبەرلىك- ساباقتار، وتاندىق كينويندۋستريا ءۇشىن وزەكتى تاقىرىپتاردا دوڭگەلەك ۇستەلدەر ۇيىمداستىرىلماق.
ايتا كەتەيىك، كينوفەستيۆالدىڭ جابىلۋ ءراسىمى 6 - شىلدەدە «قازاقستان» ورتالىق كونسەرت زالىندا وتەدى.