پاريجدە ۇشاتىن تاكسي ىسكە قوسىلادى
نۇر-سۇلتان. قازاقپارات - 2024 -جىلى جازعى وليمپيادا ويىندارىنىڭ قارساڭىندا پاريجدە ۇشاتىن پيلوتسىز تاكسي قىزمەتى ىسكە قوسىلادى.
بۇل تۋرالى Airbus كومپانياسىنىڭ وكىلدەرى لە-بۋرجەدە وتكەن 53- حالىقارالىق عارىش كونفەرەنسياسىندا ايتتى. Phys.org پورتالىنىڭ حابارلاۋىنشا، ۇشاتىن تاكسي قىزمەتى جولاۋشىلاردى شارل- دە- گولل اۋەجايىنان قالا ورتالىعىنا قاراي تاسىمالدايتىن بولادى.
جوبانى گەرمانيا مەن ا ق ش-تا ەكى توپ ازىرلەپ جاتىر. كونفەرەنسيادا ماماندار امەريكالىق كومپانيا كولىگىنىڭ مودەلىن تانىستىردى. «Vahana» دەپ اتالاتىن ۇشاتىن اپپارات ەلەكتر توگىمەن قوزعالادى جانە پيلوتتان باسقا ءبىر جولاۋشىعا ارنالعان. كولىك اتاۋىن عالىمدار ءۇندى ميفولوگياسىنان العان. كومپانيا وكىلدەرىنىڭ ايتۋىنشا، وسى كۇنگە دەيىن ۇشاتىن تاكسي 80 رەت سىناقتان وتكىزىلگەن. تاكسي جىلدامدىعى ساعاتىنا 160 شاقىرىمدى قۇرايدى.
«Airbus باسشىلىعى 2024 جازعى وليمپيادادا «فرانسۋز نوۋ- حاۋى» بارشا الەمگە تانىستىرىلاتىنىن ايتتى. Airbus كومپانياسىنىڭ باس ديرەكتورى گييوم فوريدىڭ ايتۋىنشا، وليمپياداعا دەيىن بارلىق تالاپتارعا ساي ەكى جوبا ءبىر كولىككە كىرىكتىرىلەدى»، - دەپ جازادى پورتال.
ال شارل- دە- گولل اۋەجايىنىڭ وكىلدەرىنە سەنسەك، جوسپار بويىنشا اەروتاكسي ءار التى مينۋت سايىن ۇشىپ وتىرادى. 2019 -جىلدىڭ سوڭىنا دەيىن اۋەجاي اەروتاكسي قىزمەتىنە ارنايى جەر بولەدى. ونى دايىنداۋ ءۇشىن 10 ميلليون ەۋرو جۇمسالماق.
«فرانسيانىڭ كولىك ءمينيسترى ەليزابەت بورننىڭ ايتۋىنشا، اۋە تاكسي قالا ينفراقۇرىلىمىنا تولىق ەنىپ كەتۋى ءۇشىن ءالى دە كوپ جۇمىس اتقارىلۋى كەرەك»، - دەپ جازادى اۆتور.
