بيبىگۇل تولەگەنوۆا جاس تالانتتاردىڭ «شاتتىق» حالىقارالىق فەستيۆالىنە قازىلىق ەتەدى
شارا اياسىندا جاس ونەرپازدار قالا اكىمدىگىنىڭ الدىنداعى الاڭدا ءوز ونەرلەرىن ورتاعا سالادى. ەلباسىنىڭ جارلىعىمەن 2019 -جىل جاستار جىلى دەپ جاريالاندى. وسىعان وراي فەستيۆال «ەلوردا - جاستار قالاسى» تاقىرىبىندا وتەدى.
جاس ونەرپازدار بىرنەشە جانردا سايىسقا تۇسەدى. اتاپ ايتقاندا، ۆوكال، حورەوگرافيا، اسپاپتا ويناۋ، ءسان تەاترى جانە وزىندىك جانر. بيىلعى ءىس-شاراعا قازاقستان، وزبەكستان، قىرعىزستان، تاجىكستان، رەسەي، ۋكراينا، بەلارۋس، ليتۆا، گرۋزيا، ارمەنيا، بولگاريا، پورتۋگاليا، يتاليا، قىتاي، چەحيا، يزرايل، يسپانيا، سەربيا، تۇركيا جانە تاعى باسقا مەملەكەتتەردەن دەلەگاتسيالار كەلەدى.
ايتۋلى شارانىڭ قازىلار القاسىنىڭ ءتورايىمى س س س ر جانە قازاقستاننىڭ حالىق ءارتيسى، سوتسياليستىك ەڭبەك ەرى بيبىگۇل تولەگەنوۆا. سونىمەن قاتار، بەلگىلى مۋزىكانتتار، كومپوزيتورلار، پروديۋسەرلەر، ارتيستەر، ءتۇرلى مەملەكەتتەردە ءىرى حالىقارالىق شىعارماشىلىق فەستيۆالدارىن ۇيىمداستىرۋشىلار دا كىشكەنتاي جۇلدىزداردىڭ ونەرىن باعالايتىن بولادى.
كونكۋرسانتتار جارىسى 4 -شىلدە كۇنى ساعات 14:30-دا باستالادى. ال دەلەگاتسيالاردى قارسى الۋ جانە فەستيۆالدىڭ سالتاناتتى اشىلۋى ساعات 16:00-گە جوسپارلانعان. ودان كەيىنگى كۇندەرى كونكۋرسانتتار قازىلار القاسىنىڭ الدىندا ونەر كورسەتەدى.
6 -شىلدەدە ساعات 14:00 «شاتتىق» فەستيۆالىنىڭ شىمىلدىعى جابىلادى.