ديماش الەمدىك دەڭگەيدەگى قاي انشىمەن دۋەت ايتقىسى كەلەتىنىن ايتتى
«مەنىڭ بالا كەزدەن كەلە جاتقان ءبىر ارمانىم بار، ول - امەريكالىق الەمگە تانىمال ءانشى سەلين ديونمەن ءبىر ساحنادا ونەر كورسەتىپ، بىرگە ءان ايتۋ»، - دەدى د. قۇدايبەرگەن.
سونداي-اق، ءانشى كۇنىنە قانشا ۋاقىتىن الەۋمەتتىك جەلىگە جۇمسايتىنى جونىندە دە تىلگە تيەك ەتتى.
«شەتەلدە ءجيى بولاتىندىقتان، قازاقستانداعى وقيعالاردان حاباردار بولۋ ءۇشىن الەۋمەتتىك جەلىلەرگە كىرىپ تۇرامىن. ايتپەسە، ارنايى ۋاقىت ءبولىپ وتىرامىن دەپ ايتا المايمىن. سول، كۇنىنە 1 ساعات ۋاقىت جەتكىلىكتى»، - دەدى ول.
ودان بولەك، جاس ءانشى ءبىر كۇننەن كەيىن وتەتىن كونسەرتىنىڭ دايىندىق بارىسى تۋرالى ءسوز ەتتى.
«شىنىمدى ايتسام، ماعان شەتەلدە كونسەرت بەرۋ وڭايلاۋ. سەبەبى، ءوز ەلىمىزدەگى كونسەرت اتا-انام مەن جاقىندارىمنىڭ، ۇستازدارىمنىڭ قاتىسۋىمەن وتەدى. مەن ول كىسىلەردىڭ ۋايىمىن سەزىپ وتىرامىن. جانە ولاردىڭ ماعان ارتقان ءۇمىتىن دۇرىس اقتاي الامىن با دەگەن قوبالجۋ بولادى»، - دەيدى د. قۇدايبەرگەن.
بۇعان دەيىن حابارلاعانىمىزداي، جاس ءانشى جەكە كونسەرتىندە كوپتەگەن جاڭا تۋىندىلاردىڭ ورىندالاتىنىن ءمالىم ەتكەن بولاتىن.