مىسىردا قازاقستاننىڭ ينۆەستيتسيالىق مۇمكىندىكتەرى تانىستىرىلدى
بۇل تۋرالى ق ر سىرتقى ىستەر مينيسترلىگىنەن ءمالىم ەتتى، دەپ حابارلايدى قازاقپارات.
ەلشى ارمان يساعاليەۆ مىسىر قازاقستاننىڭ افريكا قۇرلىعىندا ءىرى ساۋدا-ەكونوميكالىق ارىپتەسى ەكەنىن جانە سوڭعى جىلدارى بۇل باعىتتا ەكىجاقتى قاتىناستار جاندانا تۇسكەنىن اتاپ ءوتتى.
«قازاقستان ديپلوماتى قاتىسۋشىلاردى قازاقستاننىڭ الەۋمەتتىك-ەكونوميكالىق دامۋىنىڭ نەگىزگى باعىتتارىمەن، ەلىمىزدىڭ الەمدەگى دامىعان 30 مەملەكەتتىڭ قاتارىنا ەنۋى بويىنشا ق ر ۇكىمەتىنىڭ قابىلداپ جاتقان شارالارىمەن، ينۆەستيتسيالىق مۇمكىندىكتەرمەن، شەتەلدىك ينۆەستورلارعا ەداۋىر جەڭىلدىكتەر بەرەتىن زاڭنامالارمەن، سونداي-اق ارنايى ەكونوميكالىق ايماقتاردىڭ جۇمىسىمەن تانىستىردى. سونىمەن قاتار، الەۋەتتى ينۆەستورلارعا 2018-جىلعى جەلتوقساندا شەتەلدىك ينۆەستيتسيالار تارتۋ مىندەتى سىرتقى ىستەر مينيسترلىگىنە جۇكتەلگەنى تۋرالى حابارلاندى. ينۆەستورمەن جانە جوبامەن ءتيىمدى جۇمىس ىستەۋگە مۇمكىندىك جاسايتىن ەلشىلىك -س ءى م - قازاقستاننىڭ ءوڭىرى فورماتىندا ۇش دەڭگەيلى جۇيە قالىپتاستىرىلعانى ايتىلدى. وسىنداي جۇمىس تەتىگى جاڭا جوبالار مەن ينۆەستورلاردى اشۋعا مۇمكىندىك بەرىپ، جوبانى باستاۋ جانە ىسكە اسىرۋ اراسىنداعى جولدى قىسقارتادى»، - دەلىنگەن مينيسترلىك حابارلاماسىندا.
بۇعان قوسا، ينۆەستورلاردى يدەيادان جوبانى ىسكە اسىرۋعا دەيىن سۇيەمەلدەپ جۇرەتىن «Kazakh Invest» ۇلتتىق كومپانياسىنىڭ بۇل باعىتتاعى ماڭىزدى ءرولى باسا ايتىلدى.
«استانا» حالىقارالىق قارجى ورتالىعى ءوزىنىڭ ءتيىستى قارجى قۇرالدارى مەن حالىقارالىق دەڭگەيدەگى قىزمەتتەرى ارقىلى الاڭ ۇسىناتىنى دا باياندالدى. قازاقستان-مىسىر ىسكەرلىك كەڭەسىنىڭ مۇشەسى، Los Amigos G. T. C.
كومپانياسىنىڭ باسشىسى گاليال گور ءوزىنىڭ جەكە تاجىريبەسىنە سۇيەنىپ، مىسىرلىق ينۆەستورلارعا قازاقستاندا بيزنەس جاساۋدىڭ تارتىمدىلىعى، ينۆەستورلارعا بەرىلەتىن ارتىقشىلىقتار مەن جەڭىلدىكتەر تۋرالى ايتىپ بەردى.
ول ەلىمىزدە قازىرگى كەزدە ناتيجەلى جۇمىس ىستەپ جاتقان مىسىرلىق كومپانيالار تۋرالى دا ماعلۇمات بەردى. ءىس-شارا بارىسىندا قازاقستان، Kazakh Invest جانە ا ح ق و جۇمىسى تۋرالى بەينەروليكتەر كورسەتىلدى. سونىمەن قاتار، قوناقتارعا يميدجدىك كىتاپشالار، باياندامالار، ينۆەستيتسيالار سالاسىنداعى زاڭنامالار، ەلىمىزدە شەتەلدىك كومپانيالاردى تىركەۋ تۋرالى قاجەتتى اقپارات ۇلەستىرىلدى.
«قازاقستاننىڭ ينۆەستيتسيالىق مۇمكىندىكتەرى مىسىرلىق ينۆەستورلار اراسىندا ۇلكەن قىزىعۋشىلىق تۋدىردى. بيزنەسمەندەر ەلىمىزدەگى تۇرمىس دەڭگەيى، ورتاشا ايلىق، ەنەرگيا جانە سۋ تاريفتەرى تۋرالى سۇراقتار قويدى. بىرنەشە كومپانيا باسشىلارى جاقىن ارادا قازاقستانعا ساپارمەن بارىپ، ينۆەستيتسيا سالاسىندا كەلىسسوزدەر جۇرگىزۋگە نيەت ءبىلدىردى»، - دەدى ۆەدومستۆودان.
