تاجىكستان پرەزيدەنتى ارىس قالاسىندا بولعان قايعىلى وقيعاعا بايلانىستى كوڭىل ايتتى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆتىڭ اتىنا ارىس قالاسىندا بولعان قايعىلى وقيعاعا بايلانىستى تاجىكستان رەسپۋبليكاسىنىڭ پرەزيدەنتى ەمومالي راحموننىڭ كوڭىل ايتۋ جەدەلحاتى كەلىپ ءتۇستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

«ەداۋىر شىعىنعا جانە كىسى ولىمىنە اكەلگەن ارىس قالاسىندا بولعان جارىلىس تۋرالى اقپاراتتى كۇيزەلىسپەن قابىلدادىم. ءوزىمنىڭ جانە تاجىك حالقىنىڭ اتىنان سىزگە جانە قازا بولعانداردىڭ جاقىندارى مەن تۋىستارىنا كوڭىل ايتامىن. زارداپ شەككەندەردىڭ تەزىرەك ساۋىعىپ، وتباسىلارىنا امان-ەسەن ورالۋىنا تىلەكتەستىك بىلدىرەمىن»، - دەلىنگەن جەدەلحاتتا.

تاجىكستان پرەزيدەنتى قازاقستان ۇكىمەتىنىڭ شۇعىل قابىلداعان شارالارىنا توقتالىپ، قازاقستاندىق جاساقتاردىڭ ەۆاكۋاتسيا جانە قايعىلى وقيعانىڭ سالدارىن جويۋ كەزىندەگى جانكەشتى جۇمىستارىن ەرەكشە اتاپ ءوتتى.