08:43, 24 - ماۋسىم 2019 | GMT +6
قازاقستاندىق دزيۋدوشى قىز ەۋروپا كۋبوگىنىڭ جەڭىمپازى اتاندى
نۇر-سۇلتان. قازاقپارات - قازاقستاندىق دزيۋدوشى عاليا تىنبايەۆا ماجارستاننىڭ پاكس قالاسىندا ءوتىپ جاتقان جاستار اراسىنداعى ەۋروپا كۋبوگىنىڭ جەڭىمپازى اتاندى، دەپ حابارلايدى قازاقپارات.
48 كەلى سالماققا دەيىنگى كۋبوك فينالىندا عاليا ءوز وتانداسى اقمارال ناۋاتبەكتەن باسىم ءتۇستى. وسىلايشا، قازاقستان جاستار قۇراماسىنىڭ قورجىنىندا ءۇش مەدال بار.
بۇعان دەيىن تۋرنيردىڭ ءبىرىنشى كۇنى نۇرزات سالىمبايەۆ قولا مەدال يەلەنگەن بولاتىن.
ەسكە سالا كەتەيىك، پاكستاعى ەۋروپا كۋبوگى 22- ماۋسىمدا باستالعان. وعان 28 ەلدەن 413 سپورتشى قاتىسىپ جاتىر. قازاقستاننىڭ نامىسىن 20 سپورتشى قورعاۋدا.