قاراعاندىدان ۇشاقپەن العاش رەت قاۋىپتى جۇك شىعارىلدى

قاراعاندىلىق جەكەمەنشىك كومپانيا ەلدىڭ ەڭ ءىرى كاسىپورىندارىنان 70 توننادان استام قاۋىپتى قوقىستاردى جينادى. پوليحلورلانعان ديفەنيل بار جۇك ليونداعى Treddi مامانداندىرىلعان زاۋىتىندا جويىلادى.

پوليحلورلانعان ديفەنيلدەر (پ ح د) قورشاعان ورتا مەن ادام دەنساۋلىعىنا اسا قاۋىپتى دەپ سانالاتىن تۇراقتى ورگانيكالىق لاستاعىشتار تىزىمىنە ەنگىزىلگەن ونەركاسىپتىك حيميالىق زاتتار بولىپ تابىلادى.

سوندىقتان قۇرامىندا پ ح د بار جابدىقپەن قاۋىپسىز جۇمىس ىستەۋ جانە قۇرامىندا پ ح د بار قالدىقتاردى مىندەتتى تۇردە قاۋىپسىز جويۋ ماسەلەلەرى ەل ءۇشىن وتە ماڭىزدى بولىپ تابىلادى.

- ءبىز فرانسياعا قۇرامىندا پ ح د بار قالدىقتاردى ەكسپورتتادىق. ولار بىزگە ەلىمىزدىڭ ءىرى كاسىپورىندارىنان جىبەرىلدى. ءبىز قورشاعان ورتانى قورعاۋ ماسەلەلەرىمەن اينالىساتىن مامانداندىرىلعان ينجەنەرلىك كومپانيا رەتىندە، ارينە، قازاقستاننىڭ پ ح د سياقتى قاۋىپتى قالدىقتاردان قۇتىلۋىنا بارىنشا كۇش سالۋعا دايىنبىز، - دەيدى قاۋىپتى قوقىس جيناۋشى كومپانيانىڭ ديرەكتورى ينديرا نۇرتاقانوۆا.

بۇدان بۇرىن 2014 جانە 2015-جىلدارى ب ۇ ۇ دامۋ باعدارلاماسى «قازاقستاندا پ ح د باسقارۋدىڭ كەشەندى جوسپارىن ازىرلەۋ جانە ورىنداۋ» شەڭبەرىندە قازاقستاننان پ ح د- قالدىقتاردى شىعارۋ جۇزەگە اسىرىلدى.

سودان كەيىن جانە وسى ساتكە دەيىن ەشكىم دە وسىعان ۇقساس ارەكەت جاساماعان.

- ءبىز تۇراقتى ورگانيكالىق لاستاعىشتارمەن جۇمىس ىستەۋ بويىنشا ەل اۋقىمىندا وسىنداي كۇردەلى جۇمىس جۇرگىزگەن العاشقى جەكە كومپانيامىز. بۇگىنگى كۇنى پ ح د- نى تەك ەل ىشىندە عانا ەمەس، سونىمەن قاتار جاقىن ورنالاسقان مەملەكەتتەردىڭ اۋماقتارىندا تالاپ ەتىلگەن تەحنولوگيالار مەن سول ەلدەر ارقىلى ترانزيتكە تىيىم سالىنۋىنا بايلانىستى قاۋىپتى قالدىقتاردى جويۋ مۇمكىن ەمەس. سوندىقتان ەۋروپاعا اۋە تاسىمالداۋ بىردەن-ءبىر ءتاسىل بولىپ قالادى. وسىعان ۇقساس جۇمىستاردى ۇنەمى جۇرگىزۋدى جوسپارلاپ وتىرمىز، - دەپ تۇسىندىرەدى ينديرا نۇرتاقانوۆا.

ەكسپورت قورشاعان ورتانى قورعاۋ ءمينيسترىنىڭ 24.02.2012 ج. 40№- ءو «تۇراقتى ورگانيكالىق لاستاعىشتارمەن جانە قۇرامىندا بار قالدىقتارمەن جۇمىس ىستەۋ ەرەجەسىن بەكىتۋ تۋرالى» بۇيرىعىنىڭ تالاپتارىنا سايكەس جۇزەگە اسىرىلدى.