ەلىمىزدە مال ۇرلىعى ءۇشىن ارنايى باپ پايدا بولادى

 نۇر- سۇلتان. قازاقپارات - قىلمىستىق زاڭنامادا مال ۇرلىعى ءۇشىن جاۋاپكەرشىلىك جۇكتەيتىن جەكە باپ پايدا بولادى. زاڭناماداعى تىڭ وزگەرىس جايلى حالىققا ەسەپ بەرۋ كەزدەسۋىندە ىشكى ىستەر ءمينيسترى ەرلان تۇرعىمبايەۆ ايتتى، دەپ حابارلايدى قازاقپارات ءتىلشىسى.

 «مال ۇرلىعى ءۇشىن جاۋاپكەرشىلىكتى كۇشەيتۋ تەتىكتەرى قاراستىرىلىپ جاتىر. سەبەبى، اتالمىش قىلمىس اۋىل حالقى ءۇشىن ايتارلىقتاي شىعىن كەلتىرىپ جاتقانى وتىرىك ەمەس» ، - دەدى مينيستر.

ەرلان تۇرعىمبايەۆتىڭ ايتۋىنا قاراعاندا، قازىرگى تاڭدا وڭىرلەردىڭ اكىمدىكتەرىمەن مالدى ارنايى كەزەكپەن جايۋ، ستاتسيونارلىق ۆەتەرينارلىق بەكەت قۇرۋ جۇمىستارى جۇرگىزىلىپ جاتىر.

 «قىلمىستىق زاڭنامادا مال ۇرلىعى ءۇشىن جاۋاپكەرشىلىكتى جۇكتەيتىن جەكە باپ («مال ۇرلىعى 188-1 - بابى) پايدا بولادى. سونىمەن قاتار، «اۋلاعا نەمەسە قوراعا كىرۋ جولىمەن» جاسالعان مال ۇرلىعى اۋىر قىلمىستاردىڭ ساناتىنا ەنگىزىلەدى» ، - دەدى مينيستر.