كەرىكتەر ءار مينۋت سايىن ويانىپ، جان- جاعىنا قاراپ، سوسىن قايتا ۇيىقتايدى

العاش رەت مۇندا كەرىكتەر 2002 -جىلى وڭتۇستىك افريكادان اكەلىندى. سودان بەرى جانۋارلار جاقسى جەرسىنىپ، كوبەيىپ كەلەدى. 17 جىلدا 15 ءتول دۇنيەگە كەلدى.

«اتالىق حان مەن انالىق گراتسيا مەن سۇلۋدىڭ ۇرپاقتارى. ولاردى تاماقتاندىرعاندى ۇلكەن دە كىشى دە ۇناتادى. ءبىراق ولاردىڭ تومەن جيىلىكتەگى داۋسىن ءالى ەشكىم ەستىگەن جوق. ولاردىڭ ۇيىقتاعانىن دا ءتىرى جان كورمەدى. كەرىكتەر بار جوعى 1 ساعات ۇيىقتايدى. ءار مينۋت سايىن ويانىپ، جان- جاعىنا قارايدى. سوسىن قايتا ۇيىقتايدى. بۇل جىرتقىشتاردان ساقتانۋدىڭ داعدىسى بولسا كەرەك»، - دەدى زووباقتىڭ باسپا ءسوز قىزمەتكەرى ميحايل سوروكوۋموۆ.

بۇگىندە الەمدە 90 مىڭعا تارتا كەرىك قالدى. كەرىكتەر ەسىنەي المايتىن الەمدەگى جالعىز جانۋار. ولارعا كوبىنە ارىستاندار عانا شابۋىل جاساي الادى. ءبىر تاۋلىكتە بار- جوعى 60 مينۋت قانا ۇيىقتايدى. تولدەرى تۋا سالىسىمەن 1 ساعات كولەمىندە ءجۇرىپ كەتەدى. كەرىكتىڭ جاسىن تەرىسىنىڭ تۇسىنە قاراپ انىقتاۋعا بولادى. قوڭىر تارتقان سايىن ەرەسەك كەرىك دەپ تۇسپالداۋعا بولادى. ونىڭ تەرىسىندەگى سۋرەت ادامنىڭ ساۋساق ءىزى سياقتى قايتالانبايدى.

اۆتور: گۇلميرا عوسمانالي