قاسىم-جومارت توقايەۆ: رەفورمالار - بۇل تۇڭعىش پرەزيدەنتتىڭ ۇستانىمى
«نۇرسۇلتان ءابىش ۇلى نازاربايەۆتىڭ جولى - بولاشاق ءۇشىن جاسامپازدىق، ەۆوليۋتسيا، پروگرەس. تابىستى مەملەكەتكە، ياعني شىن مانىندە وڭىرلىك دەرجاۆاعا اينالعان قازاقستان قۇقىق تەتىگىن، ازاماتتىق قوعامدى دامىتۋدا قۋاتتى سەرپىلىس جاسادى. بۇل ءوز كەزەگىندە دەموكراتيالىق رەفورمانىڭ قايتالانباس سيپاتىن قامتاماسىز ەتتى»، - دەدى پرەزيدەنت.
وسى ورايدا ق. توقايەۆ ساياسي تۇراقتىلىق، بارلىق سالالاردى جاڭعىرتۋ مەن جاۋاپكەرشىلىكتى سىرتقى ساياسات ەل ەكونوميكاسىنا 300 ميلليارد دوللاردان استام شەتەلدىك ينۆەستيتسيانىڭ تارتىلۋىنا جول اشقانىن اتاپ ءوتتى.
«رەفورما - ول تۇڭعىش پرەزيدەنتتىڭ ۇستانىمى. سوندىقتان دا ەلباسى ۇنەمى وزىق شەشىمدەردى ىزدەستىرىپ كەلەدى، سونداي-اق الەمدىك ۇزدىك تاجىريبەگە سۇيەنۋدە»، - دەدى قازاقستان پرەزيدەنتى قاسىم-جومارت توقايەۆ.
ايتا كەتەيىك، بۇگىن الماتىدا ق ر تۇڭعىش پرەزيدەنتى نۇرسۇلتان نازاربايەۆتىڭ ساياسي كوشاسشىلىق فەنومەنىن زەرتتەۋگە ارنالعان «كەمەڭگەرلىكتىڭ 30 جىلى» حالىقارالىق عىلىمي كونفەرەنسياسى ءوتىپ جاتىر.
جيىندا نۇرسۇلتان نازاربايەۆ سەمەي پوليگونى قالاي جابىلعانىن ەسكە الدى.